Għal ħafna nies, il-midja soċjali hija sempliċiment kollezzjoni ta’ għodod online li jippermettu lill-komunitajiet jaqsmu l-informazzjoni, jikkomunikaw u jissoċjalizzaw. Fis-sens usa’, il-midja soċjali hija definita bħala proċess li permezz tiegħu individwi u gruppi jibnu fehim u tifsira komuni bil-kontenut, il-komunitajiet, u t-teknoloġija Web 2.0. Il-midja soċjali tipprovdi opportunitajiet ġodda għall-prattikanti tal-karrieri, iżda toħloq ukoll domanda fit-termini ta’ kompetenzi ġodda. 

Mit-twassil tal-informazzjoni għall-kokarrieri

Riċerka dwar l-esperjenzi tal-prattikanti tal-karrieri – inkluż dawk li jaħdmu fl-iskejjel – tipprovdi snapshot tal-modi kif il-midja soċjali kurrentement qed tintuża fil-gwida tal-karrieri.

L-aktar għan tipiku —u limitat—kif tuża l-midja soċjali fis-servizzi għall-karrieri hija li twassal l-informazzjoni. Il-midja soċjali hija mezz effettiv għat-twassil u d-disseminazzjoni tal-informazzjoni malajr, u tippermetti lill-prattikanti tal-karrieri jilħqu numru akbar ta’ nies instantanjament. Madanakollu, l-użu tal-midja soċjali bħala sors ta’ informazzjoni għal finijiet professjonali – inkluż l-edukazzjoni skolastika – qed iħasseb lil xi wħud. Il-prattikanti jenfasizzaw li l-parteċipazzjoni attiva sigura fuq il-midja soċjali teħtieġ kapaċitajiet ipperfezjonati u l-abilità li tfittex, tagħżel u tevalwa kontenut kumpless online. Fl-edukazzjoni tal-karriera dan ifisser enfasi aktar b’saħħitha biex tiggwida liż-żgħażagħ dwar kif jużaw l-informazzjoni u kif jevalwaw l-affidabilità u l-validità tal-informazzjoni tal-karriera u diversi sorsi tagħha fid-dawl tal-kapaċitajiet tal-immaniġġjar tal-karrieri tul il-ħajja.

It-tieni għan (li huwa usa’) huwa l-użu tal-midja soċjali għall-komunikazzjoni individwali. Il-kapaċità li taqsam testi, vidjos u awdjo f’ħin reali ħolqot ħafna opportunitajiet ġodda għall-interazzjoni u l-ħidma kooperattiva dwar il-bżonnijiet taż-żgħażagħ. F’dan ir-rigward, il-midja soċjali tidher li hija alternattiva personalizzata tas-servizzi għall-karrieri li qed tiffunzjona u hija disponibbli faċilment, li dejjem tagħti liż-żgħażagħ mod anonimu li permezz tiegħu jistgħu jaqsmu l-ħsibijiet u l-mistoqsijiet tagħhom. Billi ħafna mill-komunikazzjoni fuq il-midja soċjali ssir bil-kitba, il-kapaċità tal-kitba online hija enfasizzata. 

It-tielet u l-għan—l-aktar wiesa’—tal-użu tal-midja soċjali huwa li tespandi fi spazju ta' xogħol interattiv. F'dan il-każ, il-midja soċjali m’għadhiex titqies bħala għodda alternattiv iżda, aktar bħala spazju tax-xogħol li huwa parti integrali mis-servizzi għall-karrieri. Fl-interazzjoni u l-produzzjoni tal-informazzjoni u r-riżultati mal-oħrajn, il-kapaċità li tiddiskuti kwistjonijiet online hija essenzjali. 

Ir-raba’ u l-aktar għan wiesa’ tal-użu tall-midja soċjali huwa għall-kokarrieri fejn l-esperjenza maqsuma u l-kokostruzzjoni importanti ta’ kwistjonijiet dwar il-karrieri jitwettqu fost membri tal-komunità. Il-kapaċità li toħloq immaġni affidabbli u ġenwina tiegħek innifsek fi ħdan komunitajiet li fihom il-mistoqsijiet ikunu diskussi b’mod komunitarju, ikun jinħtieġ preżenza online li hija sensibbli, u mmaniġġjata u mmonitorjata sew.

Il-kompetenza għall-midja soċjali fil-gwida tal-karrieri

Il-ħiliet u l-kompetenzi f’dan il-qasam ħafna drabi huma kkunsidrati sekondarji u għaldaqstant mhux żviluppati sew fit-taħriġ. Għaldaqstant, hemm bżonn urġenti li jiġi aġġornat it-taħriġ qabel u waqt is-servizz u li jiġu appoġġati professjonist tal-karrieri fil-fehim tagħhom tad-diversi għodod tal-midja soċjali u l-modi innovattivi li bihom dawn l-għodod jistgħu jiġu inkorporati fil-prattiki eżistenti. Huwa importanti wkoll li l-kompetenzi diġitali li ż-żgħażagħ għandhom bżonn biex jaċċessaw, jużaw u jibbenefikaw minn dawn is-servizzi, huma żviluppati.

Il-midja soċjali tisfida l-interazzjonijiet tradizzjonali u r-relazzjonijiet bejn il-prattikanti tal-gwida u ż-żgħażagħ. Il-kontroll qed jiċċaqlaq minn “espert” għal taħlita ta’ għarfien espert u dak mibni fuq is-soċjetà. B'dan il-mod, il-midja soċjali tista’ tilgħab rwol sinifikanti fir-riforma tal-prattiki tal-gwida tal-karrieri biex tilħaq aktar liż-żgħażagħ li għandhom bżonn l-assistenza biex jesploraw il-karriera u jieħdu deċiżjonijiet. L-isfida għall-professjoni hija li tiddeċiedi kif l-aħjar tuża dawn it-teknoloġiji.

Sir af aktar

Fid-Danimarka, l-eGuidance toffri liż-żgħażagħ gwida dwar l-għażliet edukattivi tagħhom permezz tat-telefown, il-posta, webinars u chat. Il-pariri jingħataw b’mod unanimu u huwa disponibbli għal 68 siegħa fil-ġimgħa. Fuq is-sit ta’ Facebook tal-eGuidance, iż-żgħażagħ jistgħu jaqsmu r-riflessjonijiet u l-esperjenzi tagħhom dwar l-għażliet edukattivi mal-oħrajn. 

Fil-Finlandja, fil-kurrikuli bażiċi nazzjonali l-użu tal-ICT huwa element obbligatorju fl-edukazzjoni tal-karrieri u kull student li jtemm l-edukazzjoni bażika għandu jiġi introdott għas-servizzi nazzjonali tal-informazzjoni u s-servizzi dwar il-karrieri. L-għan huwa li jgħinu lill-istudenti jużaw is-servizzi wara li jiggradwaw minn perspettivi ta' tagħlim tul il-ħajja.

L-awtur: Jaana Kettunen hija Riċerkatur fl-Istitut għar-Riċerka Edukattiva fil-Finlandja fl-Università ta’ Jyväskylä, il-Finlandja. Fix-xogħol, tagħha, qed tiffoka fuq id-disinn u l-użu pedagoġiku tal-ICT f’ambjenti ta’  tagħlim u xogħol. Kurrentement, ir-riċerka tagħha tiffoka fuq il-midja soċjali fis-servizzi tal-karrieri.

Raksts tika publicēts Eiropas tīklā skolas izglītības forums.