chevron-down chevron-left chevron-right chevron-up home circle comment double-caret-left double-caret-right like like2 twitter epale-arrow-up text-bubble cloud stop caret-down caret-up caret-left caret-right file-text

EPALE

Pjattaforma Elettronika għat-Tagħlim għall-Adulti fl-Ewropa

 
 

F.A.Q.

Ġenerali

Min hemm wara l-EPALE?

L-EPALE hija inizjattiva tad-Direttorat Ġenerali għall-Edukazzjoni u l-Kultura (link is external) (DG EAC) tal-Kummissjoni Ewropea, li huma impenjati li jagħmlu lill-EPALE karatteristika permanenti tax-xenarju Ewropew tat-tagħlim għall-adulti.

Immonitorjata mill-Aġenzija Eżekuttiva għall-Edukazzjoni, l-Awdjoviżiv u l-Kultura (link is external) (EACEA), l-EPALE hija ġestita fuq bażi ta’ kuljum mis-Servizz ta’ Appoġġ Ċentrali (CSS) li jista’ jkun ikkuntattjat permezz ta’ posta elettronika fuq helpdesk@epale-support.eu (link sends e-mail) jew billi ċċempel lill-helpdesk tal-EPALE fuq +44 (0) 121 212 8934.

Mill-Ħarifa 2014, is-Servizzi ta’ Appoġġ Nazzjonali (NSS) qed jaħdmu wkoll flimkien mas-CSS, biex jgħinu jimlew l-EPALE b’kontenut interessanti u uniku u janimaw il-komunità.

Tista’ tikseb aktar informazzjoni dwar is-Servizzi ta’ Appoġġ Ċentrali u Nazzjonali billi ssegwi l-links li ġejjin:

Servizz ta’ Appoġġ Ċentrali

Servizz ta’ Appoġġ Nazzjonali

X’inhu s-Servizz ta’ Appoġġ Ċentrali u x’jagħmel?

Is-Servizz ta’ Appoġġ Ċentrali (CSS) huwa konsorzju ta’ żewġ organizzazzjonijiet, Ecorys UK u Intrasoft Ltd, li jaħdmu flimkien biex jiżviluppaw u jimmaniġġjaw l-EPALE. Is-CSS jaħdem flimkien mas-Servizzi ta’ Appoġġ Nazzjonali tal-EPALE, l-esperti tat-tagħlim għall-adulti u l-partijiet ikkonċernati fit-tagħlim għall-adulti biex jipprovdu kontenut attwali u rilevanti għall-pjattaforma. Is-CSS jimmaniġġja wkoll il-helpdesk tal-EPALE, jibgħat bullettin kull xahar, jimmaniġġja komunikazzjonijiet tal-midja soċjali, itella’ kontenut, jibda u jimmaniġġja diskussjonijiet u jorganizza avvenimenti tematiċi.

Kif nista’ nagħmel kuntatt mas-Servizz ta’ Appoġġ Ċentrali?

Biex tagħmel kuntatt mas-CSS tista’ tibgħat posta elettronika fuq helpdesk@epale-support.eu (link sends e-mail) jew iċċempel lill-helpdesk tal-EPALE fuq +44 (0) 121 212 8934. 

Min huma s-Servizzi ta’ Appoġġ Nazzjonali u x’jagħmlu?

Is-Servizzi ta’ Appoġġ Nazzjonali (NSSs) inħatru mill-awtoritajiet nazzjonali tal-pajjiżi li qed jieħdu sehem fil-programm Erasmus+ biex jgħinu joħolqu kontenut għall-EPALE, biex jippromwovu u janimaw il-pjattaforma. Huma jaħdmu mill-qrib mas-Servizz ta’ Appoġġ Ċentrali (CSS) biex jippubblikaw kontenut tas-sit ta’ kwalità għolja u jħeġġu l-kontribut tal-utenti. L-NSSs jiffukaw ukoll fuq li jwasslu l-EPALE lill-komunità tal-edukazzjoni għall-adulti f’pajjiżhom u jimmotivaw lill-komunitajiet tagħhom biex jieħdu sehem fl-EPALE. 

L-NSSs jirċievu kofinanzjament mill-gvernijiet tal-Istati Membri għall-EPALE.

Għal aktar informazzjoni ara l-paġna tas-Servizzi ta’ Appoġġ Nazzjonali.

Kif nista’ nagħmel kuntatt mas-Servizz ta’ Appoġġ Nazzjonali?

Id-dettalji ta’ kuntatt tal-NSSs kollha huma disponibbli fuq il-paġna tas-Servizzi ta’ Appoġġ Nazzjonali.

Huwa rrakkomandat li tagħmel kuntatt mal-NSS tal-pajjiż rispettiv tiegħek, jew mas-CSS jekk m’hemmx NSS għall-EPALE f’pajjiżek. 

Kif inhi ffinanzjata l-EPALE?

L-EPALE hija ffinanzjata mill-Kummissjoni Ewropea bħala parti mill-istrateġija globali tagħha li tippromwovi t-tagħlim għall-adulti.

L-NSSs huma wkoll kofinanzjati mill-gvernijiet tal-Istati Membri. L-EPALE hija appoġġjata skont l-Artikolu 14.1.b tad-deċiżjoni legali (link is external) li tadotta l-programm Erasmus+. Hija taqdi wkoll rwol importanti fil-ksib tal-għanijiet stabbiliti fir-Riżoluzzjoni tal-Kunsill għall-2011 għal Aġenda Ewropea Mġedda għat-Tagħlim għall-Adulti (link is external) u l-Edukazzjoni u t-Taħriġ 2020 (link is external).

Għal aktar informazzjoni dwar Erasmus +, jekk jogħġbok ara t-taqsima Kif hija relatata l-EPALE mal-Erasmus+?

Nista’ nippromwovi l-EPALE mal-kollegi tiegħi/partijiet ikkonċernati oħra?

Iva. L-EPALE hija pjattaforma bi sħubija miftuħa, li tippermettilek tagħmel kuntatt ma’ professjonisti oħra fit-tagħlim għall-adulti, prattikanti u voluntiera madwar l-Ewropa.

L-EPALE hija komunità online mibnija madwar firxa ta’ riżorsi edukattivi, aħbarijiet, posts ta’ blogg, avvenimenti, paġni tematiċi u għodod ta’ networking utli, b’kontenut ta’ kwalità għolja identifikat minn esperti fil-qasam u tradott fil-lingwi ewlenin. 

X’għandi nagħmel jekk l-informazzjoni li qed infittex għadha ma tidhirx fuq is-sit web tal-EPALE?

Jekk l-informazzjoni li qed tfittex hija relatata mat-tagħlim għall-adulti, iżda mhix fis-sit web tal-EPALE, jekk jogħġbok ikkuntattja lill-helpdesk fuq helpdesk@epale-support.eu (link sends e-mail). Il-persunal tal-helpdesk tagħna huwa appoġġjat minn grupp ta’ esperti tematiċi dwar it-tagħlim għall-adulti.

Kont taf li tista’ wkoll tippubblika l-kontenut tiegħek fl-EPALE? Tista ttella’ erba’ tipi differenti ta’ kontenut: post tal-bloggartiklu tal-aħbarijietavveniment jew riżorsa. Hemm formola online għal kull wieħed minn dawn it-tipi ta’ kontenut. Dawn il-formoli jinsabu f’kull waħda mit-taqsimiet rilevanti, li tista’ taċċessahom mill-paġna ewlenija.

Jekk jogħġbok imla l-formola online u ssejvjaha. Se tirċievi messaġġ u konferma bil-posta elettronika. Il-kontenut tiegħek se jiġi ssejvjat bħala abbozz u wara, l-NSS tiegħek jew is-Servizz ta’ Appoġġ Ċentrali se jivverifikah għall-kwalità tiegħu. Wara verifika tal-kwalità tas-sottomissjoni tiegħek l-NSS jew is-CSS jippubblikawha fuq l-EPALE. Tista’ ssib il-kontenut ippubblikat kollu tiegħek fuq il-paġna tal-profil tiegħek, li tista’ tiġi aċċessata billi tikklikkja fuq ismek fin-naħa ta’ fuq tal-lemin. Ftakar li trid tkun membru rreġistrat u trid tkun illoggjat fil-pjattaforma biex tkun tista’ taċċessa l-profil tiegħek.

Aħna ninsabu ħerqana biex nippubblikaw il-kontenut tiegħek! 

Kif nista’ ninvolvi ruħi fl-EPALE?

L-EPALE għandha l-għan li tibni komunità magħquda ta’ tagħlim għall-adulti fil-livell nazzjonali u Ewropew. Meta tingħaqad mal-EPALE, tkun tista’ tikkomunika ma’ atturi ta’ tagħlim għall-adulti bħal ħarrieġa, dawk li jfasslu l-politika u voluntiera.

Bħala membru rreġistrat tal-EPALE, tista’ tiddiskuti l-ideat u taqsam l-informazzjoni ma’ nies oħra f’pajjiżek jew fl-Ewropa, li jaħdmu fis-settur tiegħek. Il-pjattaforma hija perfetta biex issib sħab jew taqsam l-esperjenzi u l-ideat relatati mal-proġett tiegħek ta’ tagħlim għall-adulti. Tista’ wkoll ittella’ u taqsam avvenimenti, riżorsi, posts ta’ blogg u artikli (inkluż dokumenti ta’ politika u materjal rilevanti fornut minn proġetti) ma’ oħrajn madwar l-Ewropa kollha. Sabiex tiżgura li l-informazzjoni disponibbli fuq is-sit hija ta’ kwalità għolja, qabel il-pubblikazzjoni, isiru verifiki fuq il-kontenut sottomess mill-utenti.

Għal aktar informazzjoni dwar kif tirreġistra jekk jogħġbok ara t-taqsima Għandi bżonn nirreġistra biex inkun nista’ naċċessa l-EPALE?

Tista’ tikkuntattja l-helpdesk tal-EPALE bit-telefon fuq + 44 (0)121 212 8934 jew bil-posta elettronika fuq helpdesk@epale-support.eu (link sends e-mail) bi kwalunkwe mistoqsija.

Kif nista’ nżomm ruħi aġġornat/a?

Fuq l-EPALE tista’ żżomm ruħek aġġornat bl-aktar aħbarijiet riċenti mis-settur tat-tagħlim għall-adulti. Kulma trid tagħmel huwa li tirreġistra mal-EPALE u tindika li trid tabbona għan-newsletter tagħna ta’ kull xahar. Inti tista’ dejjem tabbona/tħassar l-abbonament tiegħek mis-settings tal-profil tiegħek wara r-reġistrazzjoni.

Tista’ wkoll issegwi t-taqsima tal-Aħbarijiet fuq il-paġna ewlenija. Jekk inti interessat fl-aħbarijiet dwar suġġett partikolari, ipprova sib is-suġġett li inti interessat fiha fil-paġna ewlenija tal-EPALE taħt “Temi” fil-menu ewlieni, agħżilha u kklikkja t-tab “Aħbarijiet”. Jekk jogħġbok kun af li l-kontenut ivarja skont il-verżjoni lingwistika li qed tuża.

EPALE kif inhi differenti minn siti ta’ informazzjoni oħrajn għat-tagħlim għall-adulti?

L-EPALE hija post virtwali fejn jistgħu jiltaqgħu l-prattikanti tat-tagħlim għall-adulti u l-organizzazzjonijiet fil-livell Ewropew. Is-sit għandu numru ta’ funzjonijiet uniċi:

  • Sħubija miftuħa
  • Kontenut multilingwi li jinkludi l-aħjar prattiki, aħbarijiet, żviluppi tal-politika, posts ta’ blogg, avvenimenti u riżorsi
  • Kalendarju ta’ avvenimenti pan-Ewropej li jistgħu jsiru tfittxijiet fih u ta’ interess għall-professjonisti tat-tagħlim għall-adulti
  • Kontenut immexxi mill-utenti
  • L-għażla għall-utenti li jidentifikaw, jikklassifikaw u jaqsmu materjal, għodod u riżorsi interessanti u rilevanti
  • Għodda ta’ Tfittxija tas-Sħab, li tippermettilek issib utenti oħra tal-EPALE li huma interessati f’kollaborazzjoni pan-Ewropea
  • Komunitajiet ta’ Prattika
  • Direttorju tal-utenti fejn tista’ tissoċjalizza u tagħmel kuntatt ma’ professjonisti tat-tagħlim għall-adulti minn madwar l-Ewropa kollha.
  • Komunitajiet ta’ prattika

L-EPALE kif inhi differenti minn eTwinning?

eTwinning jiffaċilita xogħol kollaborattiv bejn l-iskejjel, l-għalliema u t-tfal, u jorganizza avvenimenti għall-iżvilupp professjonali tal-għalliema. L-EPALE għandha l-għan li tibni komunità online għas-settur tat-tagħlim għall-adulti u l-professjonisti tat-tagħlim għall-adulti.

Huwa wkoll importanti li tinnota li, għall-kuntrarju ta’ eTwinning, l-EPALE ma toffrix il-possibbiltà li l-klassijiet ikollhom ġemellaġġ, peress li l-klassijiet tal-adulti mhumiex l-istess bħall-klassijiet fl-edukazzjoni primarja u sekondarja. Madankollu, il-professjonisti tat-tagħlim għall-adulti jistgħu jiddibattu temi attwali u jaqsmu l-aħjar prattiki fil-Komunitajiet ta’ Prattika tal-EPALE. 

Kif tirrelata l-EPALE mal-Erasmus+?

Erasmus+ (link is external) huwa l-programm tal-UE għall-edukazzjoni, it-taħriġ, iż-żgħażagħ u l-isport għall-2014-2020, li għandu l-għan li jżid il-kwalità u r-rilevanza tal-kwalifiki u l-ħiliet. Dan jissostitwixxi l-Programm ta’ Tagħlim Tul il-Ħajja (LLP).

Erasmus+ huwa miftuħ għal studenti, għalliema, apprendistati, voluntiera, mexxejja taż-żgħażagħ u nies li jaħdmu fl-isport għad-dilettanti. Dan jipprovdi wkoll fondi għal sħubiji bejn istituzzjonijiet edukattivi, organizzazzjonijiet taż-żgħażagħ, intrapriżi, awtoritajiet lokali u reġjonali u NGOs, kif ukoll appoġġ għal riformi fl-Istati Membri għall-immodernizzar tal-edukazzjoni u tat-taħriġ u għall-promozzjoni tal-innovazzjoni, tal-intraprenditorija u tal-impjegabbiltà.

Il-programm Erasmus+ jiffinanzja l-EPALE permezz tal-Attività Ewlenija 2; huwa appoġġjat taħt l-Artikolu 14.1.b tad-deċiżjoni legali (link is external) li tadotta l-programm Erasmus+ u jiffoka fuq it-tagħlim għall-adulti u l-edukazzjoni u t-taħriġ kontinwu (C-VET).

X'inhi d-definizzjoni tal-EPALE ta’ professjonist tat-tagħlim għall-adulti?

It-terminu “professjonist tat-tagħlim għall-adulti” jinkludi firxa wiesgħa ta’ nies u organizzazzjonijiet (inklużi netwerks, gruppi u voluntiera) li jaħdmu fis-settur tat-tagħlim għall-adulti. Dawn jistgħu jinkludu:

  • Fornituri ta’ tagħlim għall-adulti (inklużi impjegaturi, universitajiet, NGOs, eċċ.), għalliema, ħarrieġa, għalliema apprendisti u voluntiera;
  • Akkademiċi, studenti, riċerkaturi;
  • Infrastruttura nazzjonali tat-tagħlim għall-adulti, netwerks u organizzazzjonijiet;
  • Proġetti u sħubijiet iffinanzjati jew dawk li jfittxu finanzjament;
  • Rappreżentanti tal-midja li jispeċjalizzaw fit-tagħlim għall-adulti u l-edukazzjoni għall-adulti;
  • Dawk li jfasslu l-politika fil-livelli nazzjonali u Ewropej.

X’inhi l-EPALE?

L-EPALE hija komunità ta’ sħubija miftuħa multilingwi għal għalliema, ħarrieġa, riċerkaturi, akkademiċi, dawk li jfasslu l-politiki u kull min għandu rwol professjonali fit-tagħlim għall-adulti madwar l-Ewropa kollha.

L-EPALE hija ffinanzjata mill-Kummissjoni Ewropea, bħala l-aktar żvilupp riċenti f’impenn kontinwu għal titjib fil-kwalità tal-fornimenti tat-tagħlim għall-adulti fl-Ewropa.

Il-komunità hija l-qalba tal-EPALE. Din hija mwaqqfa madwar it-tqassim ta’ kontenut relatat mat-tagħlim għall-adulti, inkluż aħbarijiet, posts ta’ blogg, riżorsi, u avvenimenti u korsijiet.

Il-membri tal-komunità jistgħu jinvolvu ruħhom ma’ kollegi tat-tagħlim għall-adulti madwar l-Ewropa kollha permezz tal-funzjonijiet tas-sit li jinkludu diskussjonijiet u dibattiti online, komunitajiet ta’ prattika, kontenut ta’ klassifikazzjoni u kummenti fil-posts ta’ blogg. Il-membri jistgħu jinteraġixxu wkoll mal-pari tagħhom madwar l-Ewropa kollha kif ukoll billi jitolbu spazju kollaborattiv, jiġifieri spazju privat fl-EPALE li jippermettilhom ikollhom diskussjonijiet, ittellgħu dokumenti, jaqsmu aħbarjiet u jissottolinjaw avvenimenti rilevanti fil-kalendarju tal-grupp speċifiku. Il-membri jistgħu isibu wkoll proġetti ġodda u jagħmlu konnessjonijiet professjonali billi jużaw it-Tfittxija ta’ Sħab.

Gruppi fil-Mira/Partijiet ikkonċernati

X’inhi d-definizzjoni tal-EPALE ta’ tagħlim għall-adulti?

L-EPALE tappoġġja d-definizzjoni tal-Kunsill tal-Unjoni Ewropea dwar tagħlim għall-adulti kif iddikjarat fir-Riżoluzzjoni tal-Kunsill tal-2011 (link is external) dwar Aġenda Ewropea mġedda għat-Tagħlim għall-Adulti: “it-terminu tagħlim għall-adulti jkopri l-firxa sħiħa ta’ attivitajiet ta’ tagħlim formali, mhux formali u informali — kemm ġenerali kif ukoll vokazzjonali — li jsir mill-adulti wara li jitilqu mill-edukazzjoni inizjali u t-taħriġ.”

Jiena student adult – x’toffrili l-EPALE?

L-EPALE għandha fil-mira dawk li jwasslu u li jorganizzaw l-edukazzjoni għall-adulti aktar milli l-istudenti nfushom.

Jekk tixtieq tinvolvi ruħek f’attivitajiet ta’ tagħlim, hawn se ssib xi ftit ideat li forsi tixtieq tikkunsidra:

  • Ikkuntattja s-servizz tal-edukazzjoni fil-belt tiegħek;
  • Ara l-possibbiltajiet li joffru l-assoċjazzjonijiet, l-universitajiet, l-iskejjel tal-lingwi, il-mużewijiet, il-libreriji, eċċ. fil-belt/fir-reġjun tiegħek;
  • Kellem lill-imjegatur tiegħek;
  • Ikkuntattja l-organizzazzjonijiet li għandhom x’jaqsmu mat-tagħlim għall-adulti f’pajjiżek. L-Assoċjazzjoni Ewropea għall-Edukazzjoni tal-Adulti- (link is external) (EAEA) għandha sħubija vasta ta’ organizzazzjonijiet tat-tagħlim għall-adulti fl-Ewropa li tista’ tagħmel kuntatt magħhom;
  • Żur l- Euroguidance (link is external) – netwerk ta’ ċentri li jiġbru flimkien is-sistemi ta’ Gwida għall-Karriera fl-Ewropa;
  • Żur Ploteus (link is external), li jipprovdi informazzjoni dwar korsijiet, tagħlim imsejjes fuq ix-xogħol u kwalifiki.

Jiena professjonist tat-tagħlim għall-adulti – x’toffrili l-EPALE?

L-EPALE hija mwaqqfa bil-professjonisti tat-tagħlim għall-adulti fil-mira tagħha, biex tgħinhom jitgħallmu minn xulxin u jiżviluppaw il-prattika professjonali tagħhom. Is-sit huwa mmirat lejn l-għalliema, il-ħarrieġa, ir-riċerkaturi, l-akkademiċi, dawk li jfasslu l-politika, il-ġurnalisti u l-professjonisti li jaħdmu fi ħdan is-settur tat-tagħlim għall-adulti madwar l-Ewropa kollha.

L-EPALE għandha bosta għodod utli inkluż kalendarju tal-avvenimenti, l-aktar aħbarijiet riċenti dwar it-tagħlim għall-adulti, il-bloggs, librerija ta’ riżorsi, forums ta’ diskussjoni dwar varjetà ta’ temi u faċilità ta’ tfittxija tas-sħab. Biex issib il-podcast tal-EPALE, fittex bil-kelma “podcast” fil-kaxxa ta’ tfittxija fuq il-paġna ewlenija jew żur il-paġna tal-EPALE fuq Soundcloud (link is external) fejn tista’ ssib l-episodji kollha disponibbli.

L-EPALE għandha wkoll diversi komunitajiet ta’ prattika li jipprovdu lill-utenti b’żona ddedikata fuq l-EPALE biex itellgħu dokumenti, jibdew diskussjonijiet, jaqsmu l-aħbarijiet u l-avvenimenti madwar żona partikolari ta’ tagħlim għall-adulti. Jekk l-utenti ma jkunux jistgħu jsibu komunità li tissodisfa l-bżonnijiet tagħhom, huma jistgħu jistabbilixxu waħda ġdida billi jissottomettu talba.

Sabiex ikunu jistgħu jiskambjaw materjal ta’ tagħlim u prattika tajba, kif ukoll ideat u riżorsi, ma’ oħrajn madwar l-Ewropa kollha, l-utenti jridu jirreġistraw ma’ EPALE.

Jiena nirrappreżenta proġett ta’ tagħlim għall-adulti – x’toffrili l-EPALE?

Iċ-Ċentru tar-Riżorsi tal-EPALE fih ’il fuq minn 3000 riżorsa inklużi prattiki tajbin, materjal pedagoġiku u riżultati ta’ riċerka, li tista’ ssib ta’ interess għall-proġett tiegħek. Tista’ wkoll ittella’ kwalunkwe avveniment relatat mal-proġett tiegħek fil-Kalendjarju tal-EPALE jew taqsam aħbarijiet importanti fil-Kamra tal-Aħbarijiet.

L-EPALE għandha wkoll diversi funzjonijiet tal-komunità li jinkludu:

  • Paġni tematiċi b’diskussjonijiet dwar kwistjonijiet attwali dwar l-edukazzjoni għall-adulti
  • Komunitajiet ta’ Prattika, biex taqsam informazzjoni dwar suġġetti ta’ tagħlim għall-adulti. Jekk ma tistax issib komunità li tissodisfa l-bżonnijiet tiegħek, mela għaliex ma tistabbilixxix waħda ġdida billi tissottometti talba.
  • Faċilità ta’ Tfittxija tas-Sħab fejn tista’ tagħmel tfittxija għal sħab potenzjali jew toħloq it-talba tiegħek stess.
  • Spazji Kollaborattivi biex tiddiskuti ideat ta’ proġetti potenzjali, tiżviluppa applikazzjonijiet u taqsam dokumenti, mingħajr ma timla l-inbox tiegħek.
  • Il-podcast tal-EPALE biex titgħallem aktar dwar l-Edukazzjoni għall-Adulti fl-Ewropa. Sempliċiment fittex bil-kelma “podcast” fil-kaxxa ta’ tfittxija fuq il-paġna ewlenija jew żur il-paġna tal-EPALE fuq Soundcloud (link is external) fejn tista’ ssib l-episodji kollha disponibbli.

Jekk il-proġett tiegħek huwa ffinanzjat permezz tal-Erasmus+, ir-riżultati tal-proġett tiegħek għandhom jittellgħu fuq il-Pjattaforma Ewropea għar-Riżultati tal-Proġetti (link is external) (EPRP). Jekk jogħġbok kun af li l-mistoqsijiet relatati mal-Pjattaforma ta’ Tixrid ta’ Erasmus+ innifisha għandhom jiġu indirizzati lill-Aġenzija Nazzjonali (link is external)tiegħek. Jekk trid li l-EPALE torbot mar-riżultati tiegħek, jekk jogħġbok ikkuntattja l-helpdesk tagħna permezz ta’ posta elettronika fuq: helpdesk@epale-support.eu (link sends e-mail)

Il-proġetti l-oħrajn kollha jistgħu jissottomettu riżorsi għal pubblikazzjoni diretta fiċ-Ċentru tar-Riżorsi tal-EPALE, b’link għas-sit web tagħhom. Jekk jogħġbok innota li r-riżorsi proposti se jiġu vverifikati għall-kwalità sabiex jiġi żgurat li huma rilevanti għall-EPALE.

Jiena parti minn network/organizzazzjoni ta’ tagħlim għall-adulti – x’toffrili EPALE?

L-EPALE toffri bosta għodod utli li jistgħu jgħinuk fil-ħidma tiegħek ta’ kuljum u li permezz tagħhom, aktar nies madwar l-Ewropa jsiru jafu bin-netwerk/bl-organizzazzjoni tiegħek.

Permezz tal-EPALE tista’ tippubblika l-konferenzi, il-korsijiet u s-seminars tiegħek fil-kalendarju tal-EPALE. L-avvenimenti inklużi fil-kalendarju jixxerrdu wkoll permezz tal-kontijiet tal-midja soċjali tal-EPALE. 

Hemm ukoll diversi funzjonijiet tal-komunità li jistgħu jinteressawk:

  • Kampanji tematiċi li jippermettu lill-utenti minn madwar l-Ewropa biex jingħaqdu u jiddibattu u jaqsmu informazzjoni dwar suġġetti importanti tat-tagħlim għall-adulti. Permezz tal-parteċipazzjoni f’dawn id-diskussjonijiet, aktar nies madwar l-Ewropa se jsiru jafu bl-organizzazzjoni tiegħek; 
  • Il-podcast tal-EPALE biex titgħallem aktar dwar l-Edukazzjoni għall-Adulti fl-Ewropa. Sempliċiment fittex bil-kelma “podcast” fil-kaxxa ta’ tfittxija fuq il-paġna ewlenija jew żur il-paġna tal-EPALE fuq Soundcloud (link is external) fejn tista’ ssib l-episodji kollha disponibbli.
  • Il-Komunitajiet ta’ Prattika tal-EPALE, fejn l-utenti jistgħu jingħaqdu biex jiddiskutu u jaqsmu ideat madwar żona speċifika tat-tagħlim għall-adulti. Il-parteċipazzjoni f’dawn il-komunitajiet online tagħti lok biex utenti oħra jsiru jafu bl-organizzazzjoni tiegħek. Jekk ma tistax issib komunità li tissodisfa l-bżonnijiet tiegħek, mela għaliex ma tistabbilixxix waħda ġdida billi tissottometti talba?

Barra minn hekk, l-EPALE toffri faċilità ta’ tfittxija tas-sħab fejn tista’ tagħmel tfittxija għal sħab potenzjali jew toħloq it-talba tiegħek stess. Bħala parti mit-Tfittxija tas-Sħab tal-EPALE, tista’ wkoll titlob Spazju Kollaborattiv. Dan jipprovdilek żona fl-EPALE fejn tiddiskuti ideat ta’ proġetti potenzjali, tiżviluppa applikazzjonijiet u taqsam dokumenti, mingħajr ma timla l-inbox tiegħek.

Iċ-Ċentru tar-Riżorsi tal-EPALE fih eluf ta’ riżorsi inkluż prattiki tajbin, materjal pedagoġiku u riżultati ta’ riċerka, li tista’ ssib ta’ interess. Tista’ wkoll taqsam aħbarijiet importanti fil-Kamra tal-Aħbarijiet.

Jiena akkademiku – x’toffrili l-EPALE?

L-EPALE tipprovdi repożitarju ta’ eluf ta’ riżorsi ta’ tagħlim għall-adulti inkluż informazzjoni dwar ir-riżultati tar-riċerka, statistika u riżultati tal-istħarriġ, kif ukoll rapporti speċifiċi għas-settur u sejbiet li jistgħu jinteressawk u jgħinuk f’xogħlok.

Il-Kalendarju tal-EPALE jinkludi wkoll informazzjoni dwar korsijiet u avvenimenti, inkluż konferenzi ta’ livell għoli li jista’ jkun jinteressawk biex tattendihom.

Barra minn hekk, l-EPALE toffrilek ukoll l-opportunità biex issir taf nies differenti, taqsam l-ideat u tiddiskuti suġġetti importanti ma’ utenti oħra minn madwar l-Ewropa kollha. Kun żgur li tirreġistra sabiex tkun tista’ tikkummenta u tikklassifika posts ta’ blogg dwar xi suġġett topiku. Tista’ wkoll tissottometti l-posts ta’ blogg, l-avvenimenti, is-suġġetti ta’ aħbarijiet jew ir-riżorsi (eż. rapporti, dokumenti ta’ riċerka eċċ.) tiegħek stess. Biex issib il-podcast tal-EPALE, fittex bil-kelma “podcast” fil-kaxxa ta’ tfittxija fuq il-paġna ewlenija jew żur il-paġna tal-EPALE fuq Soundcloud (link is external) fejn tista’ ssib l-episodji kollha disponibbli. L-EPALE hija l-akbar komunità Ewropea tat-tagħlim għall-adulti b’għexieren ta’ eluf ta’ viżitaturi kull xahar u għalhekk meta tikteb għall-EPALE u ttella’ kontenut tista’ faċilment tilħaq udjenza Ewropea wiesgħa.

Jiena nirrappreżenta organizzazzjoni tat-tagħlim għall-adulti li qiegħda tfittex finanzjament – x’toffrili l-EPALE?

Għalkemm l-EPALE ma tipprovdix finanzjament, il-pjattaforma tipprovdi taqsima tal-Kamra tal-aħbarijiet li fiha jiġu ppubblikati opportunitajiet ta’ finanzjament relatati mat-tagħlim għall-adulti. Tista’ ssir taf aktar dwar dawn billi żżur is-sit web tal-Erasmus+ (link is external), il-programm tal-UE għall-edukazzjoni, it-taħriġ, iż-żgħażagħ u l-isport għall-2014-2020, li għandu l-għan li jżid il-kwalità u r-rilevanza tal-kwalifiki u l-ħiliet.

L-EPALE għandha taqsima dedikata msejħa Politika tal-UE fejn tista’ ssib l-aħħar informazzjoni.

Għal aktar kontenut relatat mal-politika tat-tagħlim għall-adulti, tista’ żżur il-paġni tematiċi Politiki, proġetti u finanzjament Ewropej u Politiki u finanzjament nazzjonali (il-kontenut ivarja skont il-verżjoni tal-lingwa).

Barra minn hekk, is-sit joffri wkoll faċilità ta’ għodda ta’ Tfittxija tas-Sħab biex tgħinek issib sħab biex issir tafhom, tikkollabora, tiskambja prattika tajba u tiżviluppa proġetti konġunti magħhom. Irreġistra fis-sit u awtomatikament se tiġi abbonat għall-bullettin tagħna biex iżżomm ruħek aġġornat.

Jiena ġurnalist/a – x’toffrili l-EPALE?

Fl-EPALE tista’ ssib l-aktar aħbarijiet riċenti dwar it-tagħlim għall-adulti madwar l-Ewropa kollha. Il-Kamra tal-Aħbarijiet tal-EPALE għandha l-aktar aħbarijiet riċenti dwar it-tagħlim għall-adulti madwar l-Ewropa kollha. Barra minn hekk, is-sit joffri wkoll bosta għodod utli bħall-Kalendarju tal-EPALE u l-Librerija ta’ Riżorsi li tinkludi l-aktar riżultati riċenti fir-riċerka u sħarriġiet fit-tagħlim għall-adulti.

Jekk tixtieq tirċievi informazzjoni regolari, aġġornata dwar it-tagħlim għall-adulti, irreġistra fuq is-sit biex tirċievi bullettin ta’ kull xahar. Jekk qed tfittex informazzjoni speċifika oħra, jekk jogħġbok ikkuntattja l-helpdesk tagħna permezz tal-posta elettronika fuq: helpdesk@epale-support.eu (link sends e-mail)

Jiena persuna li nfassal il-politika involuta fit-tagħlim għall-adulti – x’toffrili l-EPALE?

Minn Mejju 2016, l-EPALE bdiet toffri Għodda ta’ Politika li ġiet żviluppata mill-Kummissjoni Ewropea. L-għan ta’ din l-għodda huwa li tinġabar id-data eżistenti dwar it-tagħlim għall-adulti u dwar l-edukazzjoni u t-taħriġ vokazzjonali kontinwi (ETVK) u tipprovdi punt ta’ referenza għall-monitoraġġ tal-prestazzjoni u tal-iżviluppi tal-politika fil-politika dwar it-tagħlim għall-adulti. L-għanijiet ta’ dan is-sett ta’ għodod huma kif ġej:

  • Biex jintwera l-progess tal-Istati Membri individwali fl-implimentazzjoni ta’ politiki effettivi dwar it-tagħlim għall-adulti;
  • Biex tingħata għodda għal dawk li jfasslu l-politika biex jidentifikaw fejn għandhom bżonn jagħmlu aktar progress biex jimplimentaw u jtejbu l-politiki tagħhom;
  • Biex jiġi kkunsidrat bħala bażi ta’ għarfien biex jgħin lill-Istati Membri jiżviluppaw u jimmonitorjaw l-effettività tal-politiki tagħhom dwar it-tagħlim għall-adulti;
  • Biex tingħata ħarsa ġenerali lejn il-prestazzjoni tal-Istati Membri fiż-żieda tal-parteċipazzjoni tat-tagħlim għall-adulti; u
  • Biex jingħata sors ta’ informazzjoni aċċessibbli għall-pubbliku lil partijiet ikkonċernati oħra interessati fil-qasam tat-tagħlim għall-adulti.

Barra minn hekk, l-EPALE għandha taqsima dedikata msejħa Politika tal-UE fejn tista’ ssib l-aħħar informazzjoni dwar il-politika tat-tagħlim għall-adulti tal-UE.

Iċ-Ċentru tar-Riżorsi tal-EPALE fih eluf ta’ riżorsi inkluż prattiki tajbin, materjal pedagoġiku, riżultati ta’ riċerka eċċ, li tista’ ssib ta’ interess għall-iżvilupp tal-politika u d-diskussjonijiet tiegħek. Biex issib il-podcast tal-EPALE, fittex bil-kelma “podcast” fil-kaxxa ta’ tfittxija fuq il-paġna ewlenija jew żur il-paġna tal-EPALE fuq Soundcloud (link is external) fejn tista’ ssib l-episodji kollha disponibbli.

L-EPALE għandha diversi funzjonijiet li jippermettulek tinteraġixxi mal-komunità, inkluż il-forums ta’ diskussjoni li jippermettulek tfittex u tidentifika prattika tajba minn professjonisti fl-Ewropa. L-utenti jistgħu wkoll jagħmlu stħarriġ tal-opinjoni pubblika u jiġbru l-feedback tal-komunità. Jekk interessat f’din il-funzjoni, jekk jogħġbok ikkuntattja lis-Servizz ta’ Appoġġ Ċentrali tal-EPALE fuq helpdesk@epale-support.eu (link sends e-mail).

Jekk qed tfittex informazzjoni dwar suġġett speċifiku, jekk jogħġbok agħti titwila lejn il-paġni tematiċi tal-EPALE. Il-paġni tematiċi jqabblu l-informazzjoni miġbura mill-oqsma l-oħra kollha tal-pjattaforma (aħbarijiet, avvenimenti, posts ta’ blogg, eċċ.) u b’hekk, int tkun tista’ ssib l-informazzjoni li qed tfittex malajr u faċilment.

Tista’ wkoll tirċievi informazzjoni regolari, aġġornata dwar it-tagħlim għall-adulti, billi tirreġistra fuq EPALE biex tirċievi bullettin ta’ kull xahar.

Jekk qed tfittex informazzjoni speċifika oħra, jekk jogħġbok ikkuntattja l-helpdesk tagħna permezz tal-posta elettronika fuq: helpdesk@epale-support.eu (link sends e-mail).

Reġistrazzjoni

Għandi bżonn nirreġistra biex naċċessa l-EPALE?

Le, iżda jekk trid tagħmel l-aħjar użu mill-EPALE u tuża l-firxa sħiħa ta’ funzjonijiet tagħha inkluż it-Tfittxija tas-Sħab, il-funzjonijiet ta’ kummentar u ta’ evalwar, kif ukoll biex tikkontribwixxi b’kontenut għall-EPALE, se jkollok tirreġistra.

Kif nirreġistra biex insir membru tal-EPALE?

Sabiex tagħmel użu sħiħ mill-funzjonijiet kollha tal-EPALE bħat-Tfittxija tas-Sħab u d-Direttorju tal-Utenti, tipparteċipa fid-diskussjonijiet, tikklassifika l-kontenut, u ttella’ aħbarijiet, avvenimenti, posts ta’ blogg u riżorsi, ikollok bżonn tirreġistra. Issieħeb illum biex issir parti mill-ikbar komunità Ewropea ta’ professjonisti tat-tagħlim għall-adulti. 

Ippruvajt nirreġistra iżda isem l-utent ma ġiex aċċettat.

Huwa possibbli li utent ieħor ikun diġà għażel isem l-utent li għażilt inti. Agħżel isem l-utent u password differenti, u ladarba tkun irreġistrajt tintbagħatlek posta elettronika awtomatika ta’ konferma. Jekk għandek bżonn aktar għajnuna, jekk jogħġbok ikkuntattja lill-helpdesk tal-Epale permezz tal-posta elettronika fuq helpdesk@epale-support.eu (link sends e-mail)

Ippruvajt nirreġistra u l-indirizz tal-posta elettronika li għażilt huwa diġà meħud.

Dan ifisser li dan l-indirizz tal-posta elettronika diġà ntuża biex jinħoloq account fl-EPALE. Ipprova uża l-għażla ta’ rkupru tal-password biex terġa’ tissettja l-password tiegħek. Għal kwalunkwe mistoqsija, ikkuntattja l-helpdesk tal-EPALE fuq helpdesk@epale-support.eu (link sends e-mail)

Insejt il-password tiegħi.

Jekk insejt il-password tiegħek, tista’ tirrisettjaha billi tikklikkja fuq l-għażla Itlob password ġdida fuq il-paġna tal-illoggjar.

Se tintbagħatlek posta elettronika li titolbok tirrisettja l-password tiegħek. Se tintalab iddaħħal il-password il-ġdida tiegħek darbtejn kif ukoll captcha (test tar-Ristruttur Pubbliku Awtomizzat Kompletament – dan biex jiġi evitat l-ispam).

Innota li jekk ħloqt il-kont EPALE tiegħek permezz tal-Login tal-UE (li qabel kien magħruf bħala ECAS), l-EPALE m’għandhiex il-password tiegħek u trid terġa’ tissettja l-password tiegħek permezz tal-Login tal-UE.

Jekk teħtieġ aktar għajnuna, jekk jogħġbok ikkuntattja lil helpdesk@epale-support.eu (link sends e-mail).

Kontenut

Kif inhu strutturat il-kontenut fuq is-sit web tal-EPALE?

Kull ħaġa f’dan is-sit hija organizzata madwar ħames temi importanti tat-tagħlim għall-adulti: Appoġġ għall-Istudenti, Ambjenti ta’ Tagħlim, Ħiliet għall-Ħajja, Kwalità u Politika. Kull tema għandha diversi subtemi relatati li jiġbru flimkien il-kontenut kollu disponibbli fl-EPALE. Kull paġna għal subtema tipprovdi aċċess għal posts ta’ bloggriżorsiartikli tal-aħbarijietavvenimenti u diskussjonijiet relatati.

  • L-EPALE hija pjattaforma ta’ komunità u għandha diversi funzjonijiet tal-komunità inkluż: diskussjonijiet li jippermettu lill-utenti minn madwar l-Ewropa biex jingħaqdu biex jiddibattu u biex jaqsmu informazzjoni dwar suġġetti importanti dwar it-tagħlim għall-adulti.
  • Il-Komunitajiet ta’ Prattika tal-EPALE, huma żoni fejn inti tista’ tiddiskuti u taqsam ideat madwar qasam speċifiku tat-tagħlim għall-adulti. Jekk ma tistax issib komunità li tissodisfa l-bżonnijiet tiegħek, tista’ faċilment tistabbilixxi waħda ġdida inti stess billi tissottometti talba online.

Barra minn hekk, l-EPALE toffri Tfittxija tas-Sħab fejn tista’ tagħmel tfittxija għal sħab potenzjali għall-kooperazzjoni jew oħloq it-talba tiegħek stess. Tista’ wkoll titlob Spazju Kollaborattiv, li jipprovdilek żona fl-EPALE fejn tiddiskuti ideat ta’ proġetti potenzjali, tiżviluppa applikazzjonijiet u taqsam dokumenti, mingħajr ma timla l-inbox tiegħek.

Nista’ nikkontribwixxi fis-sit web tal-EPALE?

Bħala utent irreġistrat, tista’ tikteb artikli tal-aħbarijietposts ta’ blogg, jew tissuġġerixxi avvenimenti u riżorsi. Tista’ wkoll tikklassifika u tikkummenta dwar kontenut, tibda u tieħu sehem fid-diskussjonijiet. Tista’ wkoll tingħaqad f’Komunità ta’ Prattika tal-EPALE, fejn tista’ tiskambja ideat u sfidi u tiddiskuti eżiti u approċċi dwar suġġett speċifiku ma’ professjonisti oħra tat-tagħlim. Minn naħa l-oħra, jekk inti parti minn proġett jew qed taħseb biex tistabbilixxi proġett u għandek bżonn spazju għal diskussjonijiet privati, tista’ wkoll tagħmel talba għal Spazju Kollaborattiv.

Nista’ nittraduċi l-kontenut fl-EPALE?

Posts ta’ blogg, aħbarijiet u riżorsi jistgħu jiġu tradotti fi kwalunkwe waħda mill-24 lingwa uffiċjali tal-UE.

L-EPALE hija disponibbli fl-24 lingwa tal-UE u kull verżjoni lingwistika għandha kontenut uniku, magħżul mit-timijiet nazzjonali tagħna madwar l-Ewropa.

Kif intella’ riżorsa?

Jekk għandek riżorsa li tixtieq tippubblikaha, tellagħha billi tuża l-formola online tagħna. Jekk jogħġbok innota li biex ittella’ riżorsa, trid tkun irreġistrat u lloggjat fl-EPALE. Aktar informazzjoni dwar kif timla kull kaxxa hija mogħtija hawn fuq. Ladarba tkun imlejt il-kaxxi kollha, ikklikkja fuq “Issejvja” u se jidher messaġġ ta’ konferma. Se tirċievi wkoll posta elettronika b’link għar-riżorsa li tkun tellajt. Ir-riżorsa tiegħek imbagħad se tiġi vverifikata mis-Servizz ta’ Appoġġ Nazzjonali jew mis-Servizz ta’ Appoġġ Ċentrali rilevanti u se tiġi ppubblikata jekk tkun rilevanti.

Kif intella’ avveniment?

Jekk qed torganizza avveniment u tixtieq tirrekluta delegati potenzjali minn madwar l-Ewropa, imla l-formola online tagħna. Jekk jogħġbok innota li biex ittella’ avveniment, trid tkun irreġistrat u lloggjat fl-EPALE. Aktar informazzjoni dwar kif timla kull kaxxa tingħata fil-parti ta’ fuq tal-paġna. Ladarba tkun imlejt il-kaxxi kollha ikklikkja fuq “Issejvja” u se jidher messaġġ ta’ konferma. Se tirċievi wkoll posta elettronika b’link għall-avveniment li tkun tellajt. L-avveniment tiegħek imbagħad se jiġi vverifikat mis-Servizz ta’ Appoġġ Nazzjonali jew mis-Servizz ta’ Appoġġ Ċentrali rilevanti u se jiġi ppubblikat jekk ikun rilevanti.

Kif intella’ artiklu tal-aħbarijiet?

Jekk għandek xi aħbarijiet dwar l-organizzazzjoni tiegħek jew dwar proġett li int parti minnu jew jekk tixtieq taqsam xi aħbarijiet ma’ organizzazzjonijiet oħrajn madwar l-Ewropa kollha, imla l-formola online tagħna. Jekk jogħġbok innota li biex ittella’ artiklu tal-aħbarijiet, trid tkun irreġistrat u lloggjat fl-EPALE. Aktar informazzjoni dwar kif timla kull kaxxa tingħata fil-parti ta’ fuq tal-paġna. Ladarba tkun imlejt il-kaxxi kollha ikklikkja fuq “Issejvja” u se jidher messaġġ ta’ konferma. Se tirċievi wkoll posta elettronika b’link għall-artiklu li tkun tellajt. Imbagħad is-Servizz ta’ Appoġġ Nazzjonali rilevanti tiegħek jew is-Servizz ta’ Appoġġ Ċentrali se jiċċekkja l-punt tal-aħbarijiet u jippubblikah jekk ikun rilevanti.

Kif intella’ post ta’ blogg?

Jekk tixtieq tippubblika post ta’ blogg (pereżempju taqsam il-fehmiet tiegħek u intervista jew studju tal-każ) u jekk tixtieq tieħu sehem f’diskussjoni ma’ organizzazzjonijiet oħra minn madwar l-Ewropa kollha, imla l-formola online tagħna. Jekk jogħġbok innota li biex ittella’ post ta’ blogg trid tkun irreġistrat u lloggjat fl-EPALE. Aktar informazzjoni dwar kif timla kull kaxxa tingħata fil-parti ta’ fuq tal-paġna. Ladarba tkun imlejt il-kaxxi kollha ikklikkja fuq “Issejvja” u se jidher messaġġ ta’ konferma. Se tirċievi wkoll posta elettronika b’link għall-post li tkun tellajt. Il-post ta’ blogg tiegħek imbagħad se tiġi vverifikata mis-Servizz ta’ Appoġġ Nazzjonali jew mis-Servizz ta’ Appoġġ Ċentrali u se tiġi ppubblikata jekk tkun rilevanti.

Kif intella’ stampa?

L-istampi rilevanti jistgħu jżidu l-qawwa tal-messaġġ ta’ kwalunkwe kontenut ippubblikat. Jekk tixtieq ittella’ stampa mal-kontenut li tippubblika fl-EPALE (post ta’ blogg jew artiklu tal-aħbarijiet), l-EPALE toffrilek funzjoni biex ittella’ l-midja. Jekk jogħġbok segwi l-istruzzjonijiet fil-mistoqsija Kif intella’ artiklu tal-aħbarijiet? jew Kif intella’ post ta’ blogg?. Il-menù tal-editjar fil-formola online pprovduta jippermettilek ittella’ stampa. Ikklikkja fuq l-ikona tal-midja biex tiftaħ kaxxa ġdida biex ittella’ stampa. Jekk jogħġbok innota li r-restrizzjoni tad-daqs hija ta’ 200 MB.

Kif inbiddel id-daqs ta’ stampa?

Tista’ ttella’ stampi għall-posts ta’ blogg jew l-artikli tal-aħbarijiet tiegħek fl-EPALE. Biex ittella’ stampa, segwi l-istruzzjonijiet fil-mistoqsija Kif intella’ stampa?. Meta l-istampa tiegħek tkun ittellgħet, ikklikkja fuqha bil-buttuna tal-lemin u kklikkja fuq “Proprjetajiet tal-istampa”. Din se tiftaħ kaxxa tad-djalogu fejn tista’ tikteb il-wisa’ u kklikkja fuq “OK” biex tissejvjah. Il-wisa’ ta’ post ta’ blogg jew ta’ artiklu tal-aħbarijiet huwa ta’ 780.

Kif nista’ nintegra preżentazzjoni bis-slajds?

Iftaħ l-editur ta’ post ta’ blogg jew ta’ artiklu tal-EPALE. Ikklikkja l-buttuna iFrame fl-istrixxa tal-editor (l-ikona forma ta’ pjaneta). Ippejstja l-link ta’ inkorporazzjoni fil-qasam tal-URL. Tista’ wkoll iddaħħal dimensjonijiet adattati apposta għall-preżentazzjoni bis-slajds. Ikklikkja OK. L-iFrame se jidher fil-post tiegħek. Il-preżentazzjoni bis-slajds se tidher meta tippubblika l-kontenut tiegħek.

Biex tikseb il-link ta’ inkorporazzjoni mill-preżentazzjoni bis-slajds online tiegħek, iftaħ il-preżentazzjoni bis-slajds u fittex il-kodiċi ta’ inkorporazzjoni (xi kultant muri bis-simbolu </>). Fil-kodiċi magħżul, fittex il-URL ta’ inkorporazzjoni għall-preżentazzjoni bis-slajds. Dan se jkun fil-virgoletti. Ikkopja biss il-URL ta’ bejn il-virgoletti “ “.

Nota: Mhux possibbli tagħmel dan il-proċess billi tippejstja l-URL tal-preżentazzjoni bis-slajds mill-istrixxa tal-indirizz tiegħek għaliex dan mhux se jaħdem - il-links ta’ inkorporazzjoni biss jistgħu jiġu integrati.

Kif intella’ vidjo?

Iftaħ l-editur ta’ post ta’ blogg jew ta’ artiklu tal-EPALE. Ikklikkja l-buttuna iFrame fl-istrixxa tal-editur (l-ikona forma ta’ Pjaneta). Ippejstja l-link ta’ inkorporazzjoni fil-qasam tal-URL. Tista’ wkoll iddaħħal dimensjonijiet adattati apposta għall-vidjow. Ikklikkja OK. L-iFrame se jidher fil-post tiegħek. Il-vidjow se jidher meta tippubblika l-kontenut tiegħek.

Biex tikseb il-link ta’ inkorporazzjoni minn vidjow YouTube, iftaħ il-vidjow tiegħek. Ikklikkja l-ikona "Share" u mur fuq it-tab “Embed”. Fil-kodiċi magħżul, fittex il-URL ta’ inkorporazzjoni għall-vidjow. Dan se jkun fil-virgoletti. Ikkopja biss il-URL ta’ bejn il-virgoletti “ “. Fuq pjattaformi oħra l-kodiċi ta’ inkorporazzjoni jista’ jintwera bis-simbolu </>.

Nota: Mhux possibbli tagħmel dan il-proċess billi tippejstja l-URL tal-vidjow mill-istrixxa tal-indirizz tiegħek għaliex dan mhux se jaħdem - il-links ta’ inkorporazzjoni biss jistgħu jiġu integrati.

Kif infittex kontenut?

Biex tfittex kontenut fuq il-pjattaforma, ittajpja kelma relatata jew it-titlu speċifiku tal-kontenut li tixtieq issib fil-kaxxa tat-tfittxija li tinstab fil-paġna ewlenija u kklikkja fuq il-lenti (jew agħfas “Enter”). Din se tiftaħ paġna ġdida fejn tista’ tiffiltra r-riżultati skont id-data, ir-rilevanza, it-titlu, l-awtur, it-tip ta’ kontenut, il-lingwa u l-pajjiż.

Kif nitlob spazju kollaborattiv?

Jekk ħloqt sħubija jew qed toħloq sħubija, spazju kollaborattiv huwa l-ispazju perfett għalik biex tiddiskuti ideat ta’ proġetti potenzjali, tiżviluppa applikazzjonijiet u taqsam dokumenti, mingħajr ma timla l-inbox tiegħek. Tista’ titlob Spazju Kollaborattiv fiż-żona tat-tfittxija tas-sħab. Se tintalab tagħti isem għall-grupp tiegħek u tagħti informazzjoni dwar l-iskop tal-grupp, it-tema tal-EPALE li għandu x’jaqsam magħha u l-udjenza fil-mira. Se tintalab ukoll biex tagħti isem ta’ kuntatt li se jaġixxi bħala l-moderatur ewlieni tal-ispazju. Meta tkun issejvjajt, it-Tim ta’ Appoġġ Ċentrali se jivverifika t-talba tiegħek u se jagħmel kuntatt miegħek. Għal xi mistoqsijiet, jekk jogħġbok ikkuntattja lil helpdesk@epale-support.eu (link sends e-mail).

Kif nissieħeb f’komunità ta’ prattika?

L-ewwel nett, tista’ tiċċekkja l-Komunitajiet ta’ Prattika li diġà huma stabbiliti fl-EPALE billi żżur it-taqsima tal-Komunitajiet ta’ Prattika. Jekk interessat biex tissieħeb f’xi waħda minnhom, ikklikkja fuq it-titlu “Abbona għal grupp” taħt id-deskrizzjoni. Se tidher paġna ġdida li titolbok biex tikkonferma li tixtieq tissieħeb. Meta tkun ikkonfermajt se tirċievi wkoll posta elettronika. Jekk ma tistax issib komunità li tissodisfa l-bżonnijiet tiegħek tista’ tistabbilixxi waħda ġdida billi tissottometti talba. Meta tkun issejvjajt, it-Tim ta’ Appoġġ Ċentrali se jivverifika t-talba tiegħek u se jagħmel kuntatt miegħek. Għal xi mistoqsijiet, jekk jogħġbok ikkuntattja lil helpdesk@epale-support.eu (link sends e-mail).

Kif nitlob komunità ta’ prattika?

Jekk tixtieq titlob komunità ta’ prattika, żur il-paġna Komunitajiet ta’ Prattika hawn u imla l-formola online hawn. Meta tkun issejvjajtha, it-Tim ta’ Appoġġ Ċentrali se jivverifika t-talba tiegħek u se jagħmel kuntatt miegħek. Għal xi mistoqsijiet, jekk jogħġbok ikkuntattja helpdesk@epale-support.eu (link sends e-mail).

Tfittxija tas-Sħab

Nista’ nsib sħab għall-proġetti tiegħi?

L-EPALE toffri faċilità ta’ Tfittxija tas-Sħab  biex tagħmel skambju ta’ ideat u toħloq opportunitajiet ta’ networking biex issir taf individwi jew organizzazzjonijiet. Mijiet ta’ organizzazzjonijiet huma rreġistrati fit-Tfittxija tas-Sħab b’eluf ta’ utenti jżuru l-paġna tagħhom kull xahar.

Forsi għadek ma tafx, imma int tista’ tkun is-sieħeb/sieħba ideali għall-proġett ta’ xi ħaddieħor. Jekk togħġbok l-idea li tinvolvi ruħek f’kollaborazzjoni mal-pari u l-kollegi tiegħek tat-tagħlim għall-adulti, tista’ ssir viżibbli għal oħrajn li qed ifittxu sħab. Kemm tkun żgur li tagħżel “opt in” biex tkun inkluż fit-Tfittxija tas-Sħab meta tlesti l-profil tiegħek. Dan ifisser li meta membri oħra tal-EPALE jfittxu d-Direttorju tal-Utenti għal sħab potenzjali, il-profil tiegħek se jiġi inkluż fir-riżultati tat-tfittxija. 

Tista’ wkoll iżżid id-dettalji tal-organizzazzjoni tiegħek billi timla din il-formola. Meta tkun għamilt dan, tkun tista’ żżid talba għas-sħab. Biex issib is-sħab, tista’ wkoll tibbrawżja fit-talbiet għas-sħab li diġà ttellgħu fuq is-sit. Sabiex tikkuntattja sħab potenzjali, kull m’għandek tagħmel huwa li tilloggja fl-EPALE.

Bħala parti mit-Tfittxija tas-Sħab tal-EPALE, tista’ wkoll titlob Spazju Kollaborattiv. Dan jipprovdilek żona fl-EPALE fejn tiddiskuti ideat ta’ proġetti potenzjali, tiżviluppa applikazzjonijiet u taqsam dokumenti, mingħajr ma timla l-inbox tiegħek. 

Avvenimenti/Il-Kalendarju

Kif nista’ nsir naf dwar l-avvenimenti dwar it-tagħlim għall-adulti?

Il-Kalendarju tal-EPALE  jipprovdi informazzjoni dwar l-avvenimenti ta’ tagħlim għall-adulti fil-livell Ewropew u nazzjonali. Dawn jinkludu konferenzi, seminars, sessjonijiet ta’ ħidma, seminars ta’ kuntatt, avvenimenti ġenerali, korsijiet ta’ taħriġ, MOOCs u ħafna aktar. Tista’ wkoll tfittex avvenimenti skont il-lingwa, il-post, id-data, it-tip ta’ avveniment, it-tema relatata u t-tip ta’ organizzatur.

Tista’ wkoll tippostja l-avvenimenti tiegħek stess fuq l-EPALE. Ara Nista’ nippowstja avveniment fuq il-kalendarju għal aktar informazzjoni dwra kif tagħmel dan. 

Nista’ nippowstja avveniment fuq il-kalendarju?

Jekk taf dwar xi avveniment jew qed torganizza wieħed (konferenza, avveniment, sessjoni ta’ taħriġ, korsijiet, MOOCs, eċċ.) għall-professjonisti tat-tagħlim għall-adulti, tista’ ttella’ l-avveniment tiegħek. Jekk jogħġbok innota li l-avveniment tiegħek jeħtieġ li jissodisfa l-kriterji li ġejjin:

  • L-avveniment huwa relatat ma’ tagħlim għall-adulti (inkluż C-VET)?
  • L-avveniment għandu fil-mira partijiet ikkonċernati fit-tagħlim għall-adulti biss (jiġifieri mhux studenti)?
  • L-avveniment jindirizza wieħed mit-temi ewlenin tal-EPALE?

Ladarba tkun imlejt il-kaxxi kollha, ikklikkja fuq “Issejvja” u se jidher messaġġ ta’ rikonoxximent. L-avvenimenti kollha sottomessi jiġu vverifikati mis-CSS jew mill-NSS rilevanti qabel ma jiġu ppubblikati. Jekk tkun meħtieġa informazzjoni ulterjuri, se nikkuntattjawk, inti se tiġi ikkuntatjat.

Kif insib avveniment partikolari?

Biex issib avveniment partikolari, tista’ tuża l-filtru b’diversi wirjiet fuq il-Kalendarju tal-Avvenimenti tal-EPALE. Tista’ wkoll tittajpja l-isem tal-avveniment fil-kaxxa tat-tiftix fuq il-paġna ewlenija sabiex issib l-avveniment li interessat fih. Ikklikkja fuq it-titlu tal-avveniment tal-EPALE rilevanti biex taċċessa l-informazzjoni kollha. Tista’ tillimita r-riżultati billi tuża l-filtri pprovduti. 

Il-paġna tal-avvenimenti toffri wkoll faċilità ta’ tfittxija ffiltrata Jekk jogħġbok ara t-taqsima Nista’ niffiltra l-avvenimenti? għal aktar informazzjoni. 

Nista’ niffiltra l-avvenimenti?

L-avvenimenti jistgħu jiġu ffiltrati skont:

  • Il-pajjiż
  • Il-lingwa tal-avveniment
  • It-tema
  • Il-grupp fil-mira
  • It-tip ta’ avveniment
  • L-ispiża biex tattendi
  • Meta se jsir l-avveniment (inkluż avvenimenti tal-passat għall-finijiet ta’ referenza)

Sabiex ir-riżultati jitfasslu skont ir-rekwiżiti tat-tfittixija tiegħek, jista’ jiġi applikat aktar minn filtru wieħed.

Nista’ nfittex għal avvenimenti?

Iva. Biex issib avveniment partikolari tista’ tagħmel tfittxija avvanzata u tinkludi l-lingwa u l-post fil-parametri tat-tfittxija.

Kif nista’ nsir naf dwar korsijiet ta’ taħriġ għall-professjonisti fit-tagħlim għall-adulti?

Il-Kalendarju tal-EPALE jipprovdi informazzjoni dwar korsijiet ta’ taħriġ fil-livelli Ewropej u nazzjonali, inkluż avvenimenti online. Tista’ wkoll tfittex avvenimenti skont il-lingwa, il-post, il-kliem ewlieni, id-data, it-tip ta’ avveniment, it-tema relatata u t-tip ta’ organizzatur.

Kif inkun naf jekk avveniment ġiex ikkanċellat?

Xi kultant l-avvenimenti jiġu kkanċellati minħabba numru baxx ta’ parteċipazzjoni jew ċirkostanzi mhux previsti. Nitolbuk tinnota li l-Kummissjoni Ewropea ma tistax tinżamm responsabbli għall-kanċellazzjoni ta’ xi avvenimenti fil-kalendarju tal-EPALE. L-utenti huma avżati li għandhom jiċċekkjaw is-siti web individwali tal-avvenimenti b'mod regolari sabiex jiżguraw li huma jkunu jafu b'xi tibdil fl-avveniment.

Proġetti ta’ tagħlim għall-adulti

Nista’ nuża s-sit web tal-EPALE biex inxerred ir-riżultati tal-proġett tiegħi?

Tista’ tuża l-EPALE biex tippromwovi r-riżultati tal-proġett ta’ tagħlim għall-adulti tiegħek. Tista’ ttella’ l-eżiti tal-proġett fiċ-Ċentru tar-Riżorsi jew tikteb studju tal-każ dwar il-proġett tiegħek fiż-żona tal-Blog. Biex ittella’ l-kontenut fuq l-EPALE trid tkun reġistrat.

Nista’ nħabbar/nirreklama l-korsijiet/is-sessjonijiet ta’ ħidma/taħriġ tiegħi?

L-EPALE toffrilek l-opportunità li tirreklama l-konferenzi, il-korsijiet u s-seminars tiegħek fil-kalendarju tal-EPALE, u li tibni l-profil tal-organizzazzjoni tiegħek madwar l-UE kollha. L-avvenimenti inklużi fil-kalendarju se jinxterdu permezz tal-kontijiet tal-midja soċjali tal-EPALE, li jinkludu Twitter, Facebook u LinkedIn (jekk jogħġbok ikkuntattja lis-Servizz ta’ Appoġġ Nazzjonali rilevanti tiegħek jew is-Servizz ta’ Appoġġ Ċentrali).

Jekk jogħġbok imla l-formola “Issuġġerixxi avveniment”. L-informazzjoni sottomessa se tiġi ssejvjata bħala abbozz fuq l-EPALE u se tintbagħat lill-NSS jew lis-CSS għal rieżami. Qabel ma jiġu ppubblikati fuq il-kalendarju tal-EPALE, l-avvenimenti kollha jgħaddu minn proċedura ta’ assigurazzjoni tal-kwalità. Tista’ tintalab aktar informazzjoni dwar l-avveniment tiegħek.

Il-multilingwiżmu;

F’liema lingwi qiegħda tiġi offruta l-EPALE?

L-EPALE hija disponibbli fl-24 lingwa tal-UE u kull verżjoni lingwistika għandha kontenut uniku, magħżul mit-timijiet nazzjonali tagħna madwar l-Ewropa.

Komunikazzjonijiet

Kif insegwi l-EPALE fuq il-midja soċjali?

Il-kanali ċentrali tal-midja soċjali tal-EPALE huma:

Twitter: EPALE_EU (link is external)

Facebook: EPALE.EU (link is external)

LinkedIn: Pjattaforma elettronika għat-tagħlim għall-adulti fl-Ewropa (link is external)

Soundcloud: EPALE_EU (link is external)

Kull wieħed mis-servizzi ta’ appoġġ nazzjonali tagħna għandu wkoll mezzi nazzjonali tal-midja soċjali, fejn tista’ ssib aktar kontenut nazzjonali għal pajjiżek. Ikkuntattja lis-Servizz Nazzjonali ta’ Appoġġ tiegħek għal aktar informazzjoni.

Rekwiżiti tekniċi

Liema brawżer għandi nuża?

L-EPALE għandha l-għan li tagħmel l-informazzjoni disponibbli għall-akbar firxa ta’ utenti possibbli u ma tirrakkomandax l-użu ta’ xi pakkett tas-softwer partikolari. Nipprovaw nappoġġjaw il-verżjonijiet attwali tal-firxa l-aktar popolari ta’ brawżers fis-suq u li nisfruttaw bl-aħjar mod possibbli t-teknoloġiji l-ġodda disponibbli fi ħdanhom. Nirrakkomandaw li tagħmel ċert li jkollok installata l-aħħar verżjoni tal-brawżer tiegħek.

JavaScript irid ikun attivat fil-brawżer tiegħek.

L_EPALE hija konformi mad-W3C?

L-EPALE ssegwi ċerti standards tal-web, bħal-livelli HTML 5, XHTML 1.0 Transitional, CSS 3 u WAI A. Dawn l-istandards inħolqu mill-World Wide Web Consortium (W3C) biex itejbu l-aċċessibbiltà għall-internet.