Din il-Komunità ta' Prattika (CoP) se ssaħħaħ il-komunità tal-Edukazzjoni u Taħriġ Vokazzjonali (VET) madwar l-UE kollha. Din tikkonċerna lill-prattikanti li jittrattaw l-iżvilupp tal-ħiliet taż-żgħażagħ u tal-adulti għas-suq tax-xogħol, biex jiġu megħjuna ħalli jantiċipaw aħjar u jippreparaw għall-isfidi tal-ġejjieni. Dan l-ispazju għandu l-għan li jkun pjattaforma interattiva għall-għalliema, għall-ħarrieġa, għat-tuturi fil-kumpaniji sabiex ikunu jistgħu jikkomunikaw u jiskambjaw prattiki tajba u ideat, biex jinstabu soluzzjonijiet konkreti għall-problemi tagħhom bl-għajnuna tal-pari, iżommu ruħhom aġġornati mal-politiki Ewropej u jikkontribwixxu għall-inizjattivi Ewropej tal-VET. Ejja nagħmlu l-politika aktar qrib tal-prattika! Id-diskussjonijiet se jkopru l-aktar it-tagħlim online/mill-bogħod, il-ħiliet bażiċi, l-inklużjoni soċjali u l-mobbiltà tat-tagħlim. F'dan l-ispazju l-Kummissjoni Ewropea se taqsam informazzjoni u inizjattivi li jistgħu jkunu utli għalik. Din il-Komunità ta' Prattika qiegħda hawn għalik: involvi ruħek b'mod attiv! Il-Komunità ta' Prattika se tkun animata b'kontenut interessanti li jinkludi aħbarijiet, żviluppi politiċi u diskussjonijiet online. Jekk inti membru tal-EPALE u tixtieq tingħaqad mal-Komunità, tista' tikklikkja fuq "itlob sħubija" minn hawn isfel. Aħna nirrakkomandaw ħafna li l-membri prospettivi jinkludu kemm jista' jkun dettalji fuq il-profili pubbliċi tal-EPALE tagħhom (min int, fejn toqgħod, it-titlu professjonali tiegħek, l-oqsma tiegħek ta' għarfien espert għall-VET, u kwalunkwe informazzjoni ta' sfond professjonali oħra li tikkunsidra rilevanti, inklużi, jekk applikabbli, links għall-organizzazzjoni tiegħek). B'dan il-mod il-moderaturi tal-Komunità jistgħu jipprovdulek informazzjoni apposta għalik, u aċċess faċli mill-bqija tal-Komunità għal informazzjoni rilevanti dwar membri u network bejnietkom. Jekk m'intix membru tal-EPALE, jekk jogħġbok ikklikkja fuq "irreġistra" min-naħa ta' fuq fil-lemin tal-paġna sabiex issir membru tal-EPALE; wara tkun tista' titlob sħubija fi grupp. Il-Komunità ta' Prattika tibni fuq ix-xogħol eżistenti inklużi l-Komunità Ewropea tal-Fornituri tat-Tagħlim tas-Cedefop imwaqqfa f'kooperazzjoni mad-DĠ EMPL u l-grupp ta' esperti tal-Pjattaforma tal-Assoċjazzjonijiet Ewropej tal-fornituri tal-VET fl-2015. Żomm kuntatt ma' Komunità vibranti ta' prattikanti tal-VET.