Националната Федерација на Фармери, успешно го заокружи проектот „Подобрување на вработливоста на руралните жени преку ProfilPASS“, во чиишто рамки, 12 претставници од членството на Федерацијата, преку обука се стекнаа со вештини и компетенции за користење на методологијата „ProfilPASS за жени – Ние можеме!“ како алатка за проценка на компетенции стекнати во животот. По завршувањето на обуката тие се здобија сертификати за советници за ProfilPASS за жени. Обуката ја спроведоа сертифицирани тренери од Центарот за доживотно учење од Скопје.

Оваа мерка имаше за цел да овозможи примена на алатката за советување на жените од руралните средини ширум земјава, со цел да им се пружи поддршка и охрабрување да се (ре)интегрираат во пазарот на труд.

Активноста е дел од проектот „Подобрување на вработливоста на руралните жени преку ProfilPASS“ и е поддржана од регионалните проекти „Социјално вклучување на ранливи групи во Западен Балкан “и „Поддршка на диверзификацијата на економските активности во руралните подрачја во Југоисточна Европа“ кои ги спроведува Германското друштво за меѓународна соработка (ГИЗ).

Видеото во прилог ги сумира резултатите од проектот и искуствата на советуваните жени. Погледнете го!

Овој исклучително позитивен резултат претставува пример за добра пракса за користење на ProfilPASS како алатка за проценка на компетенции која е исклучително корисна во советувањето на лица од ранливи категории. Повеќе за методологијата може да прочитате на: www.profilpass.mk како и на ФБ страницата на Центар за доживотно учење (Центар за доживотно учење/Lifelong Learning Center). Доколку сакате да дознаете повеќе за овој проект, а и да се информирате за работата на Националната Федерација на Фармери, посетете ја нивната веб-страница: www.nff.org.mk.