It-tema tal-kompetizzjoni #CedefopPhotoAward 2017 hi ‘Edukazzjoni u Taħriġ Vokazzjonali: għid l-istorja tiegħek’

Min jista’ jieħu sehem

#CedefopPhotoAward 2017 hi miftuħa għal grupp (massimu ta’ tlieta min-nies) ta’ studenti VET, hi x’inhi l-età tagħhom, li huma mistennija jipproduċu ritratt oriġinali flimkien ma’ storja qasira li tispjega l-idea tax-xogħol tagħhom. Sottomissjonijiet individwali mhumiex aċċettati. 

Premji

Ir-rebbieħa tal-ewwel premju jivjaġġaw lejn Brusssell għaċ-ċerimonja tal-għeluq tal-ġimgħa Ħiliet Vokazzjonali Ewropej (#EUVocationalSkills) fl-24 ta’ Novembru.

Ir-rebbieħa tat-tieni premju jattendu għall-ftuħ tal-Festival Internazzjonali tal-Films ta’ Tessaloniki (#TIFF58) fit-2 ta’ Novembru.

Ix-xogħlijiet kollha tar-rebbieħa u li jiġu warajhom se jintwerew f’wirjiet speċjali fiż-żewġt ibliet. Cedefop u l-Kummissjoni Ewropea se tkopri l-ispejjeż kollha tal-ivjaġġar u l-akkomodazzjoni tat-timijiet rebbieħa li jiġu fl-ewwel u fit-tieni post u tal-għalliem/ tutur għal kull grupp.

Regoli

Timijiet ta’ studenti VET fl-Unjoni Ewropea, li jikkonsistu sa tlieta min-nies, huma mitluba jipproduċu storja-ritratt oriġinali li jkun fiha minn tliet sa ħames ritratti, u deskrizzjoni għal magħha ta’ 100 kelma. Sottomissjonijiet jistgħu jintbagħtu permezz ta’ email fuq cedefopphotoaward@cedefop.europa.eu (link sends e-mail) flimkien ma’ applikazzjoni kompleta.

Data tal-Għeluq: 15 ta’ Lulju 2017 f’23:59 CEST

Kun af aktar dwar ir-regoli tal-applikazzjoni

Cedefop