Skip to main content
News
Aħbarijiet

Ċerimonja ta’ Premjazzjoni tal-EPALE, Ċelebrazzjoni tat-Tagħlim tal-Adulti f’Malta

Ċerimonja ta’ Premjazzjoni tal-EPALE, Ċelebrazzjoni tat-Tagħlim tal-Adulti f’Malta

 

It-Tlieta 23 ta’ Ottubru li għadda, id-Direttorat għar-Riċerka, it-Tagħlim tul il-Ħajja u l-Impjegabbiltà fi ħdan il-Ministeru tal-Edukazzjoni u x-Xogħol ospita l-Premjijiet tal-EPALE (Pjattaforma Elettronika għat-Tagħlim tal-Adulti fl-Ewropa) għall-2018. Iċ-ċerimonja kienet ċelebrazzjoni ta’ inizjattivi fil-qasam tal-edukazzjoni għall-adulti u pprovdiet rikonoxximent formali tal-istudenti adulti u tal-edukaturi tal-adulti.

 

Iċ-ċerimonja ta’ premjazzjoni kellha l-għan li tirrikonoxxi l-ħidma li qiegħda ssir fil-qasam tal-edukazzjoni tal-adulti f’Malta. It-tema tat-titjib tal-ħajja tal-persuni, tal-familji tagħhom u tas-soċjetà b’mod ġenerali kienet waħda rikorrenti matul is-serata. B’40 nominazzjoni riċevuti mill-EPALE, huwa previst li dawn il-premjazzjonijiet ikomplu jsiru kull sentejn. Sar diskors tal-okkażjoni minn Sir Alan Tuckett, Professur tal-Edukazzjoni fl-Università ta’ Wolverhampton, Fellow Onorarju tal-Istitut tat-Tagħlim tul il-Ħajja tal-UNESCO, u Eks President tal-Kunsill Internazzjonali għall-Edukazzjoni tal-Adulti. Ingħata wkoll kavallerat fl-Unuri tal-Ewwel tas-Sena tar-Reġina tal-2018 għas-servizzi tiegħu b’risq l-edukazzjoni tal-adulti. Fid-diskors tiegħu tal-okkażjoni, huwa enfasizza l-importanza li jiġu kondiviżi l-istejjer ta’ tagħlim tal-adulti sabiex il-persuni jiġu inkoraġġiti jinvestu fl-iżvilupp professjonali tagħhom.

 

Il-preżentazzjoni tal-ewwel żewġ premjijiet minn Sir Alan bdiet bil-Premju għall-Istudent Adult u l-Premju għall-Proġett tat-Tagħlim Diġitali. Kris Muscat laqa’ l-premju għall-istudent adult għad-dedikazzjoni u l-perseveranza tiegħu bħala student adult u Kim Micallef u Fr Edgar Busuttil laqgħu l-premju għall-proġett tat-tagħlim diġitali f’isem Iċ-Ċavetta għall-isforz tagħhom sabiex jindirizzaw il-ħtiġijiet tal-litteriżmu f’Malta.

 

Stephen Cachia, id-Direttur Ġenerali għall-Kurrikulu, it-Tagħlim tul il-Ħajja u l-Impjegabbiltà fil-Ministeru ppreżenta l-Premju għall-Edukatur tal-Adulti u l-Premju għall-Voluntier fl-Edukazzjoni tal-Adulti. Jacqueline Fava rċeviet il-premju għall-edukatur tal-adulti għall-approċċ fit-tagħlim u d-dedikazzjoni uniċi tagħha. Anna Grech ingħatat il-Premju għall-Voluntier fl-Edukazzjoni tal-Adulti għas-snin tagħha ta’ dedikazzjoni fl-għoti ta’ lezzjonijiet tal-Ingliż lil refuġjati li jkunu qegħdin jgħixu Malta.

 

Elaine Compagno laqgħet il-Premju għall-Proġett tat-Tagħlim għall-Adulti f’isem il-proġett SOAR għall-appoġġ bejn il-pari u s-servizz ta’ promozzjoni għall-vittmi u s-sopravissuti nisa ta’ vjolenza domestika u abbuż fil-familja. Dan il-premju ġie ppreżentat minn Alex Farrugia, Direttur, fid-Direttorat għat-Tagħlim tul il-Ħajja. William Pace u Mario Attard laqgħu l-aħħar premju tas-serata, il-Premju ta’ Rikonoxximent għal 45+ Sena fit-Tagħlim Professjonali, ippreżentat minn Daniela Blagojevic, Assistent Direttur fid-Direttorat għat-Tagħlim tul il-Ħajja.

 

Id-Direttorat huwa s-Servizz ta’ Appoġġ Nazzjonali għall-EPALE, li hija komunità ta’ pjattaforma online għall-professjonisti li jaħdmu fil-qasam tal-edukazzjoni għall-adulti. L-EPALE hija ffinanzjata mill-Kummissjoni Ewropea, fi sforz kontinwu biex ittejjeb il-kwalità tat-tagħlim tal-adulti fl-Ewropa. Il-pjattaforma tippermetti l-kondiviżjoni ta’ kontenut relatat mat-tagħlim tal-adulti, li jinkludi aħbarijiet, blog posts, riżorsi, avvenimenti, u korsijiet. L-EPALE għandha komunità ta’ aktar minn 45,000 membru rreġistrati.

 

Facebook: Adult Learning in Malta

Sit web: https://ec.europa.eu/epale/mt

Reġistrazzjoni tal-istream live: https://goo.gl/7LcT9T

Login (1)
Tikketti

Trid lingwa oħra?

Dan id-dokument huwa disponibbli wkoll f’lingwi oħra. Jekk jogħġbok agħżel waħda hawn taħt.

Trid tikteb artiklu?

Toqgħodx lura milli tagħmel dan!

Ikklikkja l-link t’hawn taħt u ibda ibgħat artiklu ġdid!

L-aħħar diskussjonijiet

EPALE 2021 Thematic Focuses. Let's start!

We invite you to enrich what is set to be an intense year ahead with your contributions and expertise! Let's start by taking parto in this online discussion. The online discussion will take place Tuesday 9 March 2021 from 10 a.m. to 4 p.m. CET. The written discussion will be introduced by a livestream with an introduction to the 2021 Thematic Focuses, and will be hosted by Gina Ebner and Aleksandra Kozyra of the EAEA on the behalf of the EPALE Editorial Board.

More

Diskussjoni ta’ EPALE: Il-forniment ta’ tagħlim ta’ ħiliet bażiċi

Il-ħiliet bażiċi huma trasversali. Dawn mhumiex rilevanti biss għall-politika edukattiva, iżda huma rilevanti wkoll għall-politiki tal-impjiegi, tas-saħħa, soċjali u ambjentali. Il-bini ta’ miżuri ta’ politika koeżivi li jappoġġjaw lill-persuni bi ħtiġijiet bażiċi ta’ ħiliet huwa meħtieġ mhux biss biex il-Perkorsi ta’ Titjib tal-Ħiliet ikunu suċċess, iżda wkoll biex jgħinu fil-bini ta’ soċjetajiet aktar reżiljenti u inklużivi. Id-diskussjoni online se ssir f’din il-paġna fis-16/17 ta’ Settembru bejn l-10:00 u s-16:00 CET u se tkun immoderata mill-Koordinaturi Tematiċi ta’ EPALE tal-EBSN

More