CORE-сет од алатки се состои од 18 инструменти за проценка на компетенции и кариерно водство од различни земји со различен методолошки пристап и содржински фокус. Овие алатки се погодни за советување млади т.н. NEET возрасни (поединци кои не се вработени, не се во образование ниту обука). Во прилог, сетот содржи упатства, водичи и материјали за учење кои служат за поддршка и остручување на целната група NEET млади возрасни, како и за зголемување на нивната вработливост. CORE Сетот алатки го надополнуваат дополнителни материјали за советници и достапни програми за поддршка на споменатата целна група во земјите од Западен Балкан.

Овој сет беше изработен во рамките на проектот CORE - Assessing COmpetences for REintegration, поддржан од Еразмус+ програмата, а реализиран од Германски Институт за образование на возрасни ((DIE) во улога на координатор, заедно со партнерските организации Здружение за развој на компетенции “S.K.I.L.L.S.” (SKILLS) од Босна и Херцеговина, Центар за доживотно учење (LLC) од Северна Македонија, Здружение на граѓани Ларис (LARIS) од Србија и Људска Универза Велење (LUV) од Словенија.