Изложбите претставуваат еден неформален начин луѓето да стегнат нови знаење на еден забавен начин. Добивање на информации преку изложбите, без разлика дали тоа се изложби на книги, фотографии, цртежи итн., покажуваат дека овој вид на неформално учење е навистина интересен. Тие нудат социјални, културни и научни информации, нудат точни податоци и ги подобруваат когнитивните вештини. Кај изложбите се развива и креативноста кај посетителите, затоа што секој ја доживува на свој начин. 

Ние како библиотека често ги користиме изложбите за неформално учење и преку нив ги запознаваме корисниците со експонатите кои ги имаме на изложената тема.

Иако во најголем број случаеви овој вид на учење е пасивно, има и изложби во кои  е присутен и авторот или некој вработен од институцијата каде што е поставена изложбата па на тој начин посетителите можат да добијат фидбек на прашањата поврзани со изложбата, со што ова учење може да се промени во интерактивно.

НУУБ „Св. Климент Охридски“-Битола при секоја поставена изложба, спроведува и дополнителна активност како би можеле да ја постигнеме целта од активно учење преку изложби. 

За секоја поставена изложба во нашата библиотека се повикуваат стручни лица од дадената област на која е поставена изложбата како би можеле истите да ја збогатат изложбата со податоци кои ќе бидат интересни за присутните и ќе го задржат нивното внимание. 

Во склоп на библиотеката има и музејска постава, во која се изложени раритетни( стари) книги, рачни ракописи (факсимили) од познати македонски писатели и други експонати поврзани со библиотекарството. При посетата на тој оддел библиотекарите се тие кои ги даваат потребните информации со што посета на овој изложбен простор претставува активно учење за историската поставка. Овој начин претставува интересен, интерактивен час, во кој уживаат сите возрасти. 

Факт е дека изложбите се феноменални алатки за неформално учење, без разлика дали се пасивни или активни. Овој вид на учење треба да е застапен во сите полиња и за сите возрасти.