Пакетот алатки кој беше развиен во рамките на проектот CORE – Assessing Competences for Reintegration, е составен од различни инструменти за проценка на компетенции и методи за обука кои се погодни за NEET – категоријата млади луѓе (NEET – Neither in Employment, Education or Training)  и ја поддржуваат (повторната) интеграција во образованието или вработувањето.

ProfilPASS – Започни ја својата кариера! е клучната компонента на сетот алатки од проектот CORE и претставува лингвистичка и содржинска адаптација на оригиналниот ProfilPASS.

ProfilPASS како систем е развиен во 2004 г. од Германскиот Институт за образование на возрасни (DIE), Германскиот Институт за меѓународни образовни истражувања и Институтот за развојни и структурни истражувања, Хановер. PP - системот се заснова на фактот дека луѓето учат претежно во неформални  средини како семејството, низ волонтерска работа и преку справување со предизвици во нивниот живот. Тој претпоставува дека сите човечки суштества имаат компетенции (Компетентноста е повеќе од знаење и вештини. Вклучува можност за исполнување на комплексни барања, со црпење и мобилизирање на ресурси, вклучувајќи вештини и ставови во одреден контекст) и дека сите компетенции се вредни без оглед каде се стекнати.

ProfilPASS – Започни ја својата кариера! како специјализирана верзија беше наменски развиена за потребите на младите возрасни маргинализирани лица кои не се вработени, не се во образование ниту обука (NEET). Целта е да им се овозможи да го користат овој докажан инструмент за проценка на компетенции и да се поддржи нивната брза (ре)интеграција на пазарот на труд и/или во образование.

ProfilPASS Е алатка која ја користи специјално обучен советник кој работи со млади од категоријата НЕЕТ. Преку заедничката работа на советникот со советуваното лице, ProfilPASS има за цел да го  охрабри кандидатот да ја испита секоја област на активност во текот на животот од гледна точка на она што тој/таа го научил/а.

ProfilPASS нуди осум области на активности. Тука е сè она што е важно во животот на кандидатот: Училиште, работа, волонтирање, слободно време или одгледување деца.

Преку детален опис на активностите во различни сегменти од секојдневието,  чекор по чекор се извлекуваат и проценуваат компетенциите на советуваното лице и истите се документираат со сертификат.