chevron-down chevron-left chevron-right chevron-up home circle comment double-caret-left double-caret-right like like2 twitter epale-arrow-up text-bubble cloud stop caret-down caret-up caret-left caret-right file-text

EPALE

Pjattaforma Elettronika għat-Tagħlim għall-Adulti fl-Ewropa

 
 

tal-kamra tal-aħbarijiet

IOWA – Iffukar fuq il-motivazzjoni ta' dawk arrestati u kkundannati fil-ħabsijiet Ewropej

26/03/2018
Lingwa: MT
Document available also in: EN

Fl-1 ta' Settembru 2017 tnediet l-Azzjoni Ewlenija KA2 (KA204) tal-proġett ta' sħubija strateġika "InnOvative WAys for motivating prisoners for learning" (Modi Innovattivi ta' Motivazzjoni għat-Tagħlim tal-Ħabsin) (IOWA) fl-Iskola Siauliai għall-Istudenti Adulti (Šiaulių suaugusiųjų mokykla), fil-Litwanja, bi msieħba mill-Belġju, min-Norveġja, minn Spanja  (il-proġett Nru. 2017-1-LT01-KA204-035225).

L-organizzazzjonijiet li qed jipparteċipaw fil-proġett għandhom l-għan li jaqsmu metodi innovattivi li jirnexxielhom jimmotivaw lill-ħabsin biex jistudjaw. Dan il-grupp soċjali normalment ikollu esperjenza negattiva tat-tagħlim, allura huwa importanti ħafna li titħeġġeġ il-motivazzjoni tagħhom lejn l-istudju u li jerġgħu jiġu ggwidati lejn il-proċess ta' tagħlim sabiex jintegraw ruħhom mill-ġdid kemm jista' jkun mingħajr problemi fis-soċjetà u fis-suq tax-xogħol wara perjodu fil-ħabs.

Is-soluzzjoni għal din il-problema hija importanti fil-pajjiżi kollha Ewropej. B'hekk, l-imsieħba fil-proġett jiffokaw fuq l-edukazzjoni ta' andragogi (għalliema adulti): tliet laqgħat għat-tagħlim, jiġu ppjanati attivitajiet ta' taħriġ fit-tagħlim, li matulhom ikunu se jsiru seminars, diskussjonijiet, żjarat ta' studju sabiex jiffamiljarizzaw ruħhom mal-opportunitajiet ta' tagħlim fil-ħabsijiet. Waqt l-implimentazzjoni tal-proġett, tinħoloq gwida tat-taħriġ li tgħin lill-għalliema (formali, mhux formali, vokazzjonali) jgħollu l-kwalità tat-tagħlim għall-adulti, u b'mod partikolari, jimmotivaw lill-ħabsin jitgħallmu bl-aktar mod effettiv possibbli.

Bejn it-28 ta' Jannar u l-4 ta' Frar, seħħew l-ewwel attivitajiet ta' tagħlim u taħriġ ta' dan il-proġett f'Turnhout, il-Belġju. It-tim internazzjonali (andragogi, psikoloġi tal-ħabs, speċjalisti tal-karrieri, rappreżentanti ta' taqsimiet amministrattivi, eċċ.) ippreżentaw il-kontribuzzjoni tal-organizzazzjonijiet tagħhom għat-tagħlim tal-ħabsin, spjegaw il-politika edukattiva ta' pajjiżhom għall-ħabsin, u wrew metodi speċifiċi wżati fl-attivitajiet edukattivi mal-ħabsin.

Ir-rappreżentanti tal-organizzazzjoni mhux governattiva Belġjana Asturia u ta' Taxandria CVO Turnhout, ċentru tat-tagħlim għall-adulti, introduċew metodi ta' motivazzjoni għat-tagħlim li jużaw biex jgħallmu l-Inliż u t-teknoloġija tal-informatika lill-ħabsin Belġjani kif ukoll lill-ħabsin barranin. Ir-rappreżentanti tal-organizzazzjoni Spanjola “CEPER Concepcion Arenal” taw ħarsa ġenerarli lejn l-istrateġija li jużaw sabiex jimmotivaw il-kisba ta' professjoni. Urew ukoll approċċ uniku kif jużaw il-mużika, il-kanzunetti u ż-żfin tal-flamenco biex jgħallmu lill-ħabsin illitterati jaqraw u jiktbu. Ir-rappreżentanti tal-Iskola Siauliai għall-Istudenti Adulti (il-Litwanja) introduċew il-mod kif jipprovdu edukazzjoni formali fid-dipartiment tal-iskola tagħhom li jinsab fil-ħabs ta' Detenzjoni ta' Šiauliai. L-andragogi Litwani jorganizzaw attivitajiet personalizzati u kreattivi ta' titjib personali, pereżempju, kompetizzjonijiet, brainstorms, lezzjonijiet fi strumenti mużikali, eċċ. waqt il-lezzjonijiet u anki waqt is-sessjonijiet ta' tagħlim mhux formali. L-imsieħba Norveġiżi tal-proġett minn Jessheim videregående skole ippreżentaw bidliet fil-fatturi ta' motivazzjoni matul l-aħħar għaxar snin: minħabba l-bidliet fil-ħtiġijiet tas-soċjetà, kif il-ħabsin jaraw id-dinja, l-aspettattivi tagħhom għall-perjodu ta' kastig u wkoll għall-futur tagħhom wara l-priġunerija qed jinbidlu wkoll. Għaldaqstant, huwa importanti ħafna li jiġu investigati l-fatturi ta' motivazzjoni tal-priġunieri minn żmien għal żmien u skont ir-riżultati tar-riċerki tiġi organizzata metodoloġija għall-motivazzjoni tagħhom għall-istudju.

Waqt din il-laqgħa, il-parteċipanti tal-proġett żaru l-Ħabs ta' Wortel fejn intwerew l-ispazji edukattivi għat-taħriġ tal-ħabsin – kmamar għal-gruppi ta' ħidma u proġetti kreattivi, klassi tal-kompjuters, librerija, setturi tat-taħriġ vokazzjonali, eċċ. L-għalliema li jaħdmu f'din l-istituzzjoni bdew ix-xogħol tal-parteċipanti tal-proġett f'timijiet, li identifikaw ħames gruppi ta' persuni li għandhom l-akbar influwenza fuq il-motivazzjoni tal-ħabsin:  il-priġunieri nfushom (awtomotivazzjoni), kif ukoll priġunieri oħrajn (pari), il-familja tal-priġunieri, ċirku ta' ħbieb u, naturalment, l-għalliema u l-persunal tal-ħabs. It-timijiet kollha kkonkludew li l-interazzjoni ta' dawn il-gruppi kollha tiddetermina l-aħjar eżiti ta' tagħlim motivazzjonali.

Il-parteċipanti tal-proġett żaru wkoll l-Università ta' Antwerp, fejn ingħataw lekċer dwar il-priġunieri anzjani. Il-fattur tal-età huwa kundizzjoni importanti ħafna għall-ħajja tal-priġunier fil-ħabs u l-possibilitajiet li jistudja sabiex jikseb xi riżultati, waqt li jiffoka aktar fuq is-saħħa fiżika u mentali.

Fi ftit kliem, il-persunal tal-ħabsijiet Ewropej, l-imsieħba ta' dawn l-istituzzjonijiet wessgħu l-kompetenzi tagħhom fit-tagħlim tal-priġunieri u ġabru l-esperjenzi tal-pajjiżi-sħab sabiex jiżviluppaw metodi ġodda għall-aċċess innovattiv għall-edukazzjoni tal-priġunieri. Fit-triq lejn l-iskoperti kondiviżi, se jkunu disponibbli riżultati siewja għall-andragogi tal-pajjiżi-sħab tal-proġett kif ukoll għall-edukaturi tal-ħabsijiet minn pajjiżi oħrajn Ewropej.

Zulfija Guzienė, Koordinatur tal-Proġett
Rasa Dumčiūtė, Membru tal-grupp tal-proġett 

 

Share on Facebook Share on Twitter Epale SoundCloud Share on LinkedIn
Refresh comments Enable auto refresh

Qed jintwerew 1 - 1 minn 1
  • Chantelle Mifsud's picture
    Great initiative !