Skip to main content
News
Aħbarijiet

Inneħħu l-Ostakoli: Inħaddnu l-Litteriżmu permezz tal-Midja Diġitali

Peer Learning Activity, 30 ta’ Novembru, 2015 – 4 ta’ Diċembru , 2015

 

Bejn it-30 ta’ Novembru u l-4 ta’ Diċembru, id-Direttorat għat-Tagħlim Tul il-Ħajja   organizza attività dwar il-Litteriżmu fost l-Adulti u l-Midja Diġitali. Din l-attività ġabet flimkien esperti fil-qasam diġitali u edukaturi fit-tagħlim għall-adulti minn Malta u minn madwar l-Ewropa. L-aġenda inkludiet taħlita ta’ kelliema  riċerkaturi u workshops.

 

Din l-attività hija parti mill-proġett Erasmus +, “Inneħħu l-Ostakoli: Inħaddnu l-Litteriżmu permezz tal-Midja Diġitali”. Dan għandu l-mira li jindirizza l-isfidi u l-ħtiġijiet li jeżistu fil-litteriżmu fost l-adulti u sabiex ‘jitneħħew l-ostakoli’ li jiffaċċjaw kemm l-istudenti kif ukoll edukaturi. Id-Direttorat għat-Tagħlim Tul il-Ħajja huwa l-koordinatur ta’ dal-proġett. L-imsieħba ġejjin mir-Renju Unit, l-Italja, Ċipru, l-Olanda, l-Maċedonja, in-Norveġja u l-Polonja.

 

Ms Vera Hutchinson, Professional Development Manager mill- University College London, fir-Renju Unit, għamlet l-ewwel preżentazzjoni tal-avveniment. Is-Sinjura Hutchinson sostniet li 1 minn kull 5 Ewropew ta’ 15-il sena m’għandhux il-ħiliet ta’ litteriżmu meħtieġa sabiex jiffunzjona fis-soċjetà. Sadanittant, is-Sinjura Vanessa Camilleri, mill-Università ta’ Malta, iffokat fuq it-teknoloġija u l-parti integrali li din għandha fis-soċjetà tal-lum. Għaldaqstant, hija spjegat, kif it-teknoloġija m'għandhiex tkun  mgħallma bħala suġġett għalih waħdu..

 

Matul l-attività, intwerew numru ta’ għodod diġitali eżistenti relatati mal-litteriżmu bażikugħall-użu kemm tal-istudenti adulti kif ukoll għal dawk li jgħallmu lill-adulti. Dawn kienu jinkludu toolkit diġitali Malti magħruf bħala iċ-Ċavetta, u pjattaforma diġitali Ġermaniża immirata kemm għan-nies tal-post kif ukoll għall-barranin, inklużi l-imigranti. Kien hemm ukoll preżentazzjoni dwar l-iskop tal-Pjattaforma Elettronika għat-Tagħlim tal-Adulti fl-Ewropa (EPALE). Żewġ edukaturi fil-qasam tat-tagħlim għall-adulti qasmu l-esperjenzi tagħhom u tkellmu dwar l-ostakoli fis-soċjetà għall-parteċipazzjoni fit-tagħlim.

Is-Sinjura Vanessa Camilleri u Dr Maria Perifanos, Konsulent Edukattiv, għamlu analiżi tal-kunċett ta’ gamification’ u proġetti fi ħdan il-Massive Open Online Course. Huma wrew kif meta wieħed jieħu gost jagħmel xi ħaġa, bħal logħob bil-kliem, it-tagħlim isir għan li jista' jintlaħaq. Min-naħa tiegħu, Dr Doug Belshaw, minn Dynamic Skillset, evalwa l-kunċetti tal-litteriżmu bażiku u l-midja diġitali.

 

Din l-attività  kienet qed tittella’ regolarment fuq il-paġna tal-Facebook Adult Learning in Malta https://www.facebook.com/EPALE.MT u fuq il- Pjattaforma Elettronika għat-Tagħlim tal-Adulti fl-Ewropa (EPALE), fejn wieħed jista’ jsib ir-rapport sħiħ: http://ec.europa.eu/EPALE

 

Login (0)

Trid tikteb artiklu?

Toqgħodx lura milli tagħmel dan!

Ikklikkja l-link t’hawn taħt u ibda ibgħat artiklu ġdid!

L-aħħar diskussjonijiet

EPALE 2021 Thematic Focuses. Let's start!

We invite you to enrich what is set to be an intense year ahead with your contributions and expertise! Let's start by taking parto in this online discussion. The online discussion will take place Tuesday 9 March 2021 from 10 a.m. to 4 p.m. CET. The written discussion will be introduced by a livestream with an introduction to the 2021 Thematic Focuses, and will be hosted by Gina Ebner and Aleksandra Kozyra of the EAEA on the behalf of the EPALE Editorial Board.

More

Diskussjoni ta’ EPALE: Il-forniment ta’ tagħlim ta’ ħiliet bażiċi

Il-ħiliet bażiċi huma trasversali. Dawn mhumiex rilevanti biss għall-politika edukattiva, iżda huma rilevanti wkoll għall-politiki tal-impjiegi, tas-saħħa, soċjali u ambjentali. Il-bini ta’ miżuri ta’ politika koeżivi li jappoġġjaw lill-persuni bi ħtiġijiet bażiċi ta’ ħiliet huwa meħtieġ mhux biss biex il-Perkorsi ta’ Titjib tal-Ħiliet ikunu suċċess, iżda wkoll biex jgħinu fil-bini ta’ soċjetajiet aktar reżiljenti u inklużivi. Id-diskussjoni online se ssir f’din il-paġna fis-16/17 ta’ Settembru bejn l-10:00 u s-16:00 CET u se tkun immoderata mill-Koordinaturi Tematiċi ta’ EPALE tal-EBSN

More