Skip to main content
Blog
Blog

Il-Jum Dinji tal-Għalliema – L-Edukazzjoni tal-Adulti

Il-Jum Dinji tal-Għalliema huwa ċelebarazzjoni importanti tax-xogħol siwi kbir imwettaq mill-għalliema madwar id-dinja. Iżda xi ngħidu dwar l-edukaturi adulti? Hawnhekk se niltaqgħu mal-Uffiċjal tal-Edukazzjoni u edukatur adult mid-Direttorat għat-Tagħlim Tul il-Ħajja f'Malta. Aħna nistaqsuhom għal pariri dwar kif jirfinaw it-tekniki tagħhom minn studenti żgħażagħ għal dawk adulti.

 

 

 

 

 

 

 

 

 

 

 

Meta nkunu tfal, it-tagħlim huwa sempliċiment xi ħaġa li nagħmlu. Mill-klassi għall-post ta' rekreazzjoni, aħna kontinwament niġbru informazzjoni, tekniki u għodod ġodda. Meta nikbru, naturalment, inkomplu nitgħallmu iżda jkun aktar diffiċli niftakru l-informazzjoni u niksbu l-ħiliet bażiċi li forsi ma nkunux ksibna meta konna tfal.

"Dan huwa fejn jidħol it-tagħlim effettiv għall-adulti," jgħid Mark Saliba, edukatur tal-adulti li wkoll jgħallem tfal tal-iskola primarja. "Meta niġu għal tagħlim fil-primarja, dan huwa obbligatorju u formali; madankollu, mal-adulti huma għażlu li jitgħallmu biex itejbu l-mod ta' għajxien tagħhom – kemm jekk jagħmlu dak billi jtejbu l-ħiliet tagħhom jew billi jtejbu l-litteriżmu tagħhom."

Mark jispjega li d-differenza prinċipali bejn it-tagħlim tat-tfal u tal-adulti tinsab fil-fatt li, mal-adulti, jeħtieġ li tkun dispost ħafna biex tadatta għall-bżonnijiet tal-istudenti tiegħek. "Fis-snin reċenti għallimt lill-priġunieri fid-Dar Sant' Anna. Filwaqt li l-għan ewlieni tiegħi kien li ngħinhom itejbu l-ħiliet tal-litteriżmu tagħhom, kienet ukoll opportunità li ngħinuhom itejbu l-għarfien tagħhom f'oqsma oħra, bħal dwar l-istorja ta' Malta jew l-għarfien ġenerali. Jiena sibt li jekk nagħmel it-topik bażiku (il-litteriżmu) aktar interessanti permezz ta' suġġetti oħra, huma jkunu aktar ħerqana biex jitgħallmu."

Mandy Mifsud, edukatur adult li hija wkoll l-Uffiċjal tal-Edukazzjoni għad-Direttorat tat-tagħlim Tul il-Ħajja, tispjega li dan jissejjaħ tagħlim integrat. "Meta niġu għall-adulti, qed nitkellmu dwar nies li għandhom ħafna għerf u esperjenzi tal-ħajja – fil-fatt ħafna drabi jafu aktar dwar ċerti affarijiet milli taf int! Għaldaqstant huwa importanti li tirrispetta dak l-għarfien, u li tkun taf għaliex u kif jixtiequ jtejbu l-ħiliet tagħhom. Ħafna drabi dawn mhumiex qed jitgħallmu biss għall-gost, iżda għaliex iridu jkunu kapaċi japplikaw dak li jitgħallmu għal oqsma partikolari tal-ħajja tagħhom. "

Ms Mifsud tispjega, "forsi tista' tgħallem il-matematika jew il-Malti waqt lezzjoni tat-tisjir", tissuġġerixxi. "Reċentement ħdimt fuq programm għal trasgressuri żgħażagħ li għamel eżattament dan. Huma kienu ħerqana jitgħallmu dwar it-tisjir u n-nutrizzjoni, għalhekk kienet l-opportunità ideali biex ngħaqqad topiks bħalma huma l-użin, il-baġit u r-ridimensjonar waqt li għamilna r-riċetti. Kien divertenti u relevanti, iżda huma xorta kienu qed jitgħallmu l-matematika – għalhekk kulħadd kien kuntent!"

Hawnhekk, iż-żewġ edukaturi jaqsmu s-suġġerimenti tagħhom dwar kif jinvolvu lill-adulti:

  • "Huwa importanti li toħloq il-kurżità," tgħid Mandy. "Anke jekk huma adulti għandek tagħmilha interessanti. Jiena nuża prattika li donnha dejjem taħdem: nibda billi nqiegħdu oġġett każwali kkulurit fuq kull l-iskrivanija qabel l-ewwel lezzjoni. Filwaqt, li prattikament, l-oġġett iservi bħala mezz biex naqsamhom fi gruppi aktar tard, huwa wkoll iqajjem l-interess tagħhom u jibdew jinvolvu ruħhom - u dan ikun bidu tajjeb! Il-kreattività tista' tiġi mill-aktar affarijiet sempliċi. "
  • "Sir af x’diġà jafu l-istudenti tiegħek," jgħid Mark. "U għaliex ġew fil-klassi tiegħek. Attwalment introduċejna test ta’ qabel, li jgħin lill-istudenti jispjegaw l-għanijiet tagħhom mill-bidu nett. Dan jagħmilha aktar faċli għalik, bħala edukatur, biex tgħinhom jiksbuhom. "
  • "Kun mimli/ja enerġija!" tgħid Mandy. "Iċċaqlaq, idħaq u kun dħuli/ja kemm jista' jkun. Kull fejn tista' faħħarhom lill-istudenti u rrikonoxxi dak kollu li diġà jafu."
  • "Fl-aħħar nett, aħdem biex tikseb il-fiduċja tagħhom, żomm f'moħħok li dan jista' ma jkunx faċli u jista' jieħu ż-żmien. Tkunx intimidanti; għall-kuntrarju, ikunu aċċessibbli u paċenzjuż/a u ftakar li mhumiex tfal. Inkoraġġixxi r-rispett fil-klassi tiegħek - għalihom, għalik u għal xulxin ".

 

 

Login (0)
Tikketti

Trid lingwa oħra?

Dan id-dokument huwa disponibbli wkoll f’lingwi oħra. Jekk jogħġbok agħżel waħda hawn taħt.

Want to write a blog post ?

Don't hesitate to do so! Click the link below and start posting a new article!

L-aħħar diskussjonijiet

EPALE 2021 Thematic Focuses. Let's start!

We invite you to enrich what is set to be an intense year ahead with your contributions and expertise! Let's start by taking parto in this online discussion. The online discussion will take place Tuesday 9 March 2021 from 10 a.m. to 4 p.m. CET. The written discussion will be introduced by a livestream with an introduction to the 2021 Thematic Focuses, and will be hosted by Gina Ebner and Aleksandra Kozyra of the EAEA on the behalf of the EPALE Editorial Board.

More

Diskussjoni ta’ EPALE: Il-forniment ta’ tagħlim ta’ ħiliet bażiċi

Il-ħiliet bażiċi huma trasversali. Dawn mhumiex rilevanti biss għall-politika edukattiva, iżda huma rilevanti wkoll għall-politiki tal-impjiegi, tas-saħħa, soċjali u ambjentali. Il-bini ta’ miżuri ta’ politika koeżivi li jappoġġjaw lill-persuni bi ħtiġijiet bażiċi ta’ ħiliet huwa meħtieġ mhux biss biex il-Perkorsi ta’ Titjib tal-Ħiliet ikunu suċċess, iżda wkoll biex jgħinu fil-bini ta’ soċjetajiet aktar reżiljenti u inklużivi. Id-diskussjoni online se ssir f’din il-paġna fis-16/17 ta’ Settembru bejn l-10:00 u s-16:00 CET u se tkun immoderata mill-Koordinaturi Tematiċi ta’ EPALE tal-EBSN

More