chevron-down chevron-left chevron-right chevron-up home circle comment double-caret-left double-caret-right like like2 twitter epale-arrow-up text-bubble cloud stop caret-down caret-up caret-left caret-right file-text

EPALE

Elektroniczna platforma na rzecz uczenia się dorosłych w Europie

 
 

Newsroom

GOAL verkefnið (Guidance and Orientation for Adult Learners)

12/01/2017
Tungumál: IS

Samráðshópur GOAL verkefnisins (Guidance and Orientation for Adult Learners) kom saman í þriðja sinn í Mennta- og menningarmálaráðuneytinu þann 13. desember. Verkefnið fjallar um að efla samstarf hagsmunaaðila um að færa námstengda ráðgjöf nær þeim hópum Logo2sem sækja síst í nám.

Á fundinum fóru verkefnastjórar yfir stöðu verkefnisins, Menntavísindastofnun Háskóla Íslands kynnti niðurstöður úr fyrsta rannsóknarhluta þess og náms- og starfsráðgjafar framkvæmdaraðilanna tveggja fóru yfir þróun ráðgjafar á sínum svæðum (Mímir símenntun á Höfuðborgarsvæðinu og Miðstöð símenntunar á Suðurnesjum).

Margt bendir til þess að mun erfiðara sé að ná til þeirra hópa sem sækja síst í nám. Í gegnum samstarf við hagsmunaaðila á svæðunum (t.d. félagsþjónustuaðila og Vinnumálastofnun) hafa tilvísanir átt sér stað til símenntunarmiðstöðvanna þar sem einstaklingar koma í ráðgjafarviðtal og er boðið að taka þátt í GOAL verkefninu. Í verkefninu er boðið upp á lengri og fleiri viðtöl en venja er og jafnframt farið dýpra í vinnu með einstaklingnum. Vísbendingar eru um að sú aðferðafræði gefi góða raun fyrir hópinn og aukið samstarf hinna ýmsu þjónustuaðila sé gagnlegt til að virkja fleiri til náms og starfa.

Rannsóknarskýrslur fyrir fyrri hluta rannsóknar í verkefninu má finna á heimasíðu verkefnisins: www.projectgoal.eu

Sjá einnig grein um GOAL verkefnið í Gátt: /media/80797/Gatt_2015_web_058-59.pdf

Nánari upplýsingar: Fjóla María Lárusdóttir (fjola@frae.is) og Arnheiður Gígja Guðmundsdóttir (gigja@frae.is)

Share on Facebook Share on Twitter Epale SoundCloud Share on LinkedIn