Kull ħaġa f’dan is-sit sejra tiġi organizzata madwar ħames temi importanti ta’ tagħlim għall-adulti. Ir-riżorsi sejrin jiġu raggruppati taħt it-temi li ġejjin: ambjenti ta’ tagħlim li jappoġġjaw l-istudenti, ħiliet għall-ħajja, kwalità u politiki, u strateġiji u finanzjament.

EPALE toffrilek l-opportunità li tirreklama l-konferenzi, korsijiet u seminars tiegħek fil-kalendarju online, u li tibni l-profil tal-organizzazzjoni tiegħek madwar l-UE kollha. L-avvenimenti inklużi fil-kalendarju sejrin jinxterrdu permezz tal-kontijiet tal-midja soċjali ta’ EPALE, li jinkludu Twitter, Facebook u LinkedIn.

Is-sit joffri repożitorju ta’ riżorsi. Il-membri ta’ EPALE huma mistiedna jiskambjaw l-aħbarijiet, il-fehmiet, l-ideat u r-riżorsi (inkluż riżultati tal-proġett) ma’ oħrajn madwar l-Ewropa kollha.

Biex issir membru ta’ EPALE, jeħtieġ li tirreġistra fuq is-sit. Għal aktar informazzjoni dwar kif tirreġistra jekk jogħġbok ara (żid link).

Is-sit ta’ EPALE joffri faċilità ta’ tfittxija tal-imsieħba (daqt disponibbli) biex tgħinek issib l-imsieħba biex tingħaqad magħhom, tiskambja l-prattika tajba u tiżviluppa proġetti konġunti magħhom.

Aktar minn nofs ta’ dawk li wieġbu (53 %) ma jaqblux jew ma jaqblu xejn mad-dikjarazzjoni ‘huwa faċli li ssib informazzjoni dwar it-tagħlim għall-adulti’. Dan ifisser li tal-anqas nofs dawk li wieġbu jemmnu li l-informazzjoni dwar it-tagħlim għall-adulti tista’ tkun aktar faċli biex tinstab.

Is-sorsi ewlenin għall-kisba tal-informazzjoni dwar l-edukazzjoni għall-adulti kienu l-Kummissjoni Ewropea u l-organizzazzjonijiet internazzjonali. Għal dawk li jużaw diversi sorsi, l-aqwa kombinazzjonijiet kienu:

L-istħarriġ ta 1,914-il tweġiba minn 37 pajjiż. L-Italja kellha l-ogħla numru ta’ dawk li wieġbu, segwita mir-Renju Unit u Franza. Waslu wkoll ħafna tweġibiet mill-Belġju. Numru ta’ pajjiżi kienu rrappreżentati sew b’rabta mad-daqs tagħhom.

42 % ta’ dawk li wieġbu kienu professjonisti fl-edukazzjoni għall-adulti. Għal dawk li jagħżlu aktar minn tip ta’ organizzazzjoni waħda, il-kombinazzjonijiet l-aktar komuni kienu:

L-istħarriġ sar f’April-Mejju 2014 biex jagħti stampa aktar ċara tal-utenti potenzjali ta’ EPALE u l-ħtiġijiet u l-preferenzi tagħhom, sabiex jiġu stabbiliti xi prinċipji ta’ gwida għall-iżvilupp tal-websajt u l-komunità.

EPALE hija attiva fuq il-midja soċjali! Jekk jogħġbok żur:

Twitter: EPALE_EU

Facebook: EPALE.EU

LinkedIn: eplatform for adult learning in Europe

EPALE ssegwi ċerti standards tal-web, bħal-livelli HTML 4.01, XHTML 1.0 Transitional, CSS 2.1 u WAI A. Dawn l-istandards inħolqu mill-World Wide Web Consortium (W3C) biex itejbu l-aċċessibbiltà għall-internet.

EPALE għandha l-għan li tagħmel l-informazzjoni disponibbli għall-akbar firxa ta’ utenti possibbli u ma tirrakkomandax l-użu ta’ xi pakkett tas-softwer partikolari. Nipprovaw nappoġġjaw il-verżjonijiet attwali tal-firxa l-aktar popolari ta’ brawżers fis-suq u li nisfruttaw bl-aħjar mod possibbli t-teknoloġiji l-ġodda disponibbli fi ħdanhom. Nirrakkomandaw li tagħmel ċert/a li jkollok installata l-aħħar verżjoni tal-brawżer tiegħek.

Jekk insejt il-password tiegħek ser tkun tista’ tirrisettjaha billi tikklikkja fuq l-għażla Insejt il-password tiegħek fuq il-paġna tal-illoggjar tal-websajt ta’ EPALE.

Huwa possibbli li utent ieħor diġà għażel l-isem tal-utent li għażilt int. Qabel terġa’ tipprova tirreġistra b’ieħor differenti, kun żgur li kklerjajt il-memorja u l-cache tad-disk fil-brawżer tiegħek. Imbagħad għażel isem l-utent u password differenti, u ladarba tkun irreġistrajt, sejra tintbagħtlek email ta’ reġistrazzjoni awtomatika li titolbok tivvalida l-indirizz. Jekk teħtieġ assistenza ulterjuri jekk jogħġbok ikkuntattja lill-helpdesk ta’ EPALE permezz tal-email fuqhelpdesk@epale-support.eu.

Tista’ tirreġistra hawnhekk: link

Tista’ tagħżel l-isem tal-utent u l-password personali, u mbagħad ladarba tkun irreġistrajt, sejra tintbagħtlek email ta’ reġistrazzjoni awtomatika li titolbok tivvalida l-indirizz. Ladarba tkun għamilt dan, ser tkun tista’ tuża l-partijiet kollha tas-sit.

Le, iżda jekk trid tuża l-funzjonijiet kollha ta’ EPALE, issejvja t-tfittxijiet tiegħek jew uża s-servizzi interattivi, bħan-notifiki bl-email, l-eNewsletter, eċċ. – tista’ tirreġistra (mingħajr ħlas) fuq link.

Xi drabi l-avvenimenti jiġu kkanċellati minħabba numru baxx jew ċirkustanzi mhux previsti. Jekk jogħġbok innota li l-Kummissjoni Ewropea ma tistax tinżamm responsabbli għall-kanċellazzjoni ta’ xi avveniment fil-kalendarju ta’ EPALE. Huwa rrakkomandat li l-utenti jivverifikaw il-websajts tal-avvenimenti individwali b’mod regolari biex jiżguraw li jkunu jafu dwar xi bidliet fl-avveniment.

Iċċekkja l-kalendarju tagħna hawnhekk [link]. Il-kalendarju tagħna jipprovdi informazzjoni dwar korsijiet ta’ taħriġ fil-livell Ewropew u nazzjonali, inkluż avvenimenti online. Tista’ wkoll tagħmel tfittixija skont il-post jew il-lingwa tal-avveniment.

Iva. Biex issib avveniment partikolari tista’ tagħmel tfittxija avvanzata u tinkludi l-lingwa u l-post fil-parametri tat-tfittxija.

Iva. Kollha għandna interessi differenti u għal din ir-raġuni, il-kalendarju tal-avvenimenti u l-lista għandhom mekkaniżmu ta’ filtru tal-avvenimenti.

L-avvenimenti jistgħu jiġu ffiltrati skont:

Biex issib avveniment partikolari tista’ tagħmel tfittxija avvanzata u tinkludi l-lingwa u l-post fil-parametri tat-tfittxija. Jekk tibdel il-mod li bih jintwerew l-avvenimenti, dan jista’ jgħinek fit-tfittxija tiegħek. L-avvenimenti jistgħu jintwerew b’ħames modi differenti:

Jekk taf dwar xi avveniment jew qed torganizza wieħed (konferenza, avveniment, sessjoni ta’ taħriġ, korsijiet, MOOCs, eċċ.) għall-professjonisti tat-tagħlim għall-adulti, tista’ tissottomettilna l-informazzjoni billi tibgħatilna email fuq helpdesk@epale-support.eu. Jekk jogħġbok innota li l-avveniment tiegħek jeħtieġ li jissodisfa l-kriterji li ġejjin:

• L-avveniment huwa relatat ma’ tagħlim għall-adulti (inkluż C-VET)?

Iċċekkja l-kalendarju tagħna hawnhekk [link]. Il-kalendarju tagħna jipprovdi informazzjoni dwar l-avvenimenti ta’ tagħlim għall-adulti fil-livell Ewropew u nazzjonali. Dawn jinkludu konferenzi, seminars, sessjonijiet ta’ ħidma, seminars ta’ kuntatt, avvenimenti ġenerali, korsijiet ta’ taħriġ, MOOCs u ħafna aktar. Tista’ wkoll tfittex għal avvenimenti skont il-lingwa jew il-post.

EPALE wettqet stħarriġ tal-utenti f’April-Mejju 2014 biex issir taf l-opinjonijiet tal-partijiet interessati fis-settur tat-tagħlim għall-adulti fl-Ewropa dwar il-funzjonijiet proposti ta’ EPALE. L-istħarriġ wassal għal 1,914-il rispons minn 37 pajjiż u indika li l-biċċa l-kbira ta’ dawk li wieġbu ħassewhom komdi jużaw l-Ingliż.

EPALE hija multilingwi, b’xi kontenut ewlieni f’24 lingwa u xi karatteristiċi disponibbli f’6 lingwi ewlenin (l-Ingliż, il-Franċiż, l-Ispanjol, it-Taljan, il-Ġermaniż u l-Pollakk). Jekk jogħġbok innota li EPALE qiegħda tiġi żviluppata bħalissa u sejrin jitqiegħdu għad-dispożizzjoni traduzzjonijiet b’mod gradwali.

Bħala ġurnalist/a, jaf tixtieq iżżur il-kamra tal-aħbarijiet għall-aħħar aħbarijiet kollha dwar it-tagħlim għall-adulti. Barra minn hekk, is-sit joffri wkoll diversi għodod tassew ulti bħal kalendarju tal-avvenimenti u librerija ta’ riżorsi ta’ prattika tajba (li daqt tkun disponibbli), li tinkludi l-aħħar riżultati ta’ riċerka u sħarriġiet fit-tagħlim għall-adulti. Biex issib l-aħħar aħbarijiet kollha dwar it-tagħlim madwar l-Ewropa, EPALE huwa l-post li għandek iżżur.

Tista’ tuża ċ-ċentru tar-riżorsi ta’ EPALE (li daqt sejjer ikun disponibbli) biex issir taf dwar prattiki tajba, materjal pedagoġiku, riżultati ta’ riċerka, eċċ, li tista’ ssib ta’ interess għall-iżvilupp tal-politika u d-diskussjonijiet tiegħek.

Tista’ tuża ċ-ċentru tar-riżorsi ta’ EPALE (li daqt sejjer ikun disponibbli) biex issir taf dwar prattiki tajba, materjal pedagoġiku, riżultati ta’ riċerka, eċċ, li tista’ ssib ta’ interess għall-iżvilupp tal-politika u d-diskussjonijiet tiegħek.

Għalkemm EPALE ma tipprovdi ebda finanzjament, il-pjattaforma tipprovdi informazzjoni dwar l-opportunitajiet ta’ finanzjament. Tista’ ssir taf aktar dwar dawn billi żżur il-websajt ta’ Erasmus+, il-programm il-ġdid tal-UE għall-edukazzjoni, it-taħriġ, iż-żgħażagħ u l-isport għall-2014-2020, li għandu l-għan li jżid il-kwalità u r-rilevanza tal-kwalifiki u l-ħiliet.

Tista’ tuża ċ-ċentru tar-riżorsi ta’ EPALE (li daqt sejjer ikun disponibbli) biex issir taf dwar prattiki tajba, materjal pedagoġiku, riżultati ta’ riċerka, eċċ., li tista’ ssib ta’ interess għall-proġett tiegħek.

Id-diversi funzjonijiet interattivi, inkluż forums ta’ diskussjoni, sejrin jippermettulek tiskambja prattika tajba ma’ professjonisti oħra fl-Ewropa. Barra minn hekk, is-sit sejjer joffri faċilità ta’ tiftix tal-imsieħba, jekk tkun trid issaħħaħ is-sħubija attwali tiegħek.

Is-sit joffri diversi għodod tassew utli inkluż kalendarju ta’ avvenimenti, glossarju ta’ termini, rapporti speċifiċi għall-pajjiż, l-aħħar aħbarijiet dwar it-tagħlim għall-adulti u librerija ta’ riżorsi (li daqt tkun disponibbli).

EPALE tipprovdi repożitarju ta’ riżorsi ta’ tagħlim għall-adulti (li daqt ikun disponibbli) inkluż informazzjoni dwar ir-riżultati tar-riċerka, statistika u riżultati tal-istħarriġ, kif ukoll rapporti speċifiċi għas-settur u sejbiet. Sejjer ikollok ukoll l-opportunità li tikkummenta fuq bloggs attwali u tikkontribwixxi fid-dibattiti. EPALE tinkludi wkoll kalendarju ta’ korsijiet u avvenimenti, inkluż konferenzi ta’ livell għoli, li jaf tkun interessat li tattendi.